بھارت میں اپارٹمنٹ کے باہر خاتون نے سیکیورٹی گارڈ پر تھپڑ برسا دیے جس کی ویڈیو سوشل میڈیا پر وائرل ہوگئی۔
بھارت کے شہر نوئیڈا میں ایک خاتون نے ایک عمارت کے سیکورٹی گارڈ پر تھپڑ برسا دیے واقعے کی ویڈیو سوشل میڈیا پر وائرل ہونے پر لوگوں نے شدید غم و غصے کا اظہار کیا ہے۔
سی سی ٹی وی فوٹیج میں خاتون کو گارڈ کے پاس جاتے ہوئے دکھایا گیا ہے پھر جھگڑے کے بعد خاتون گارڈ پر ہاتھ اٹھاتی اور اسے تھپڑ مارتی نظر آتی ہے۔
عمارت کے دو دیگر سیکورٹی گارڈ نے واقعے کو دیکھتے ہوئے اس کی ویڈیو بنانا شروع کردی۔
اس کلپ کو نکھل چودھری نامی صارف نے ٹوئٹر پر پوسٹ کیا تھا اس نے اس کے کیپشن میں لکھا، ’’نوئیڈا سیکٹر 121 میں کلیو کاؤنٹی سوسائٹی میں گیٹ کھولنے میں تاخیر پر خاتون نے سیکورٹی گارڈ کو تھپڑ مارا جبکہ خاتون پیشے کے اعتبار سے پروفیسر ہیں۔
The woman slapped the security guard for the delay in opening the gate in Cleo County society in Noida sector 121, Woman is professor by profession. pic.twitter.com/lUBSXeL71U
— Nikhil Choudhary (@NikhilCh_) September 11, 2022
اطلاع کے مطابق اس واقعہ کے سلسلے میں پولیس میں شکایت درج کرائی گئی ہے۔
واقعے کی ویڈیو پر کچھ سوشل میڈیا صارفین نے غم و غصے کا اظہار کیا کچھ صارفین نے اس پر مزاحیہ تبصرے کیے۔
ایک تیسرے صارف نے تبصرہ کیا، اس طرح کے واقعات باقاعدگی سے صرف گڑگاؤں / نوئیڈا میں ہی کیوں ہوتے ہیں؟” ایک اور نے پوچھا کہ پروفیسر صاحبہ ایسی ہیں تو ہمارا معاشرہ کیسا ہوگا؟
