انڈونیشیا میں ایک عجیب و غریب حادثے میں ایک نوجوان خاتون جم کی تیسری منزل کی کھڑکی سے گر کر جان کی بازی ہار گئی۔
سوشل میڈیا وائرل ہونے والی ویڈیو میں دیکھا جاسکتا ہے کہ ایک 22سالہ نوجوان خاتون ٹریڈ مل پر دوڑ رہی ہیں، اس دوران وہ تولیہ سے پسینہ صاف کرنے کے لئے رک جاتی ہے۔
رپورٹ کے مطابق اسی دوران خاتون اپنا توازن کھو بیٹھتی ہے اور پیچھے کی جانب پھسل کر تیسری منزل پر موجود کھڑکی سے نیچی گر جاتی ہے۔
NEW: Woman steps off the back of a treadmill and fatally falls out of a three-story window.
Devastating…
The incident happened in Pontianak, Indonesia while the woman was working out.
The 22-year-old victim had reportedly been exercising for about 30 minutes when she… pic.twitter.com/zt0OpCrrTr
— Collin Rugg (@CollinRugg) June 24, 2024
خاتون اس دوران فریم کو پکڑنے کی کوشش کرتی ہے، مگر کامیاب نہیں ہوتی، خاتون کو سر پر شدید چوٹیں آنے پر ہسپتال لے جایا گیا لیکن ڈاکٹر جان بچانے میں ناکام رہے۔ پوسٹ مارٹم رپورٹ کے مطابق سر پر شدید چوٹ کے باعث موت واقع ہوئی۔
مقامی میڈیا کے مطابق، نامعلوم متاثرہ لڑکی اپنے بوائے فرینڈ کے ساتھ جم میں آئی تھی جو دوسری منزل پر ورزش کر رہا تھا۔
تحقیقات سے معلوم ہوا کہ ٹریڈمل اور جس کھڑکی سے وہ گری تھی اس کے درمیان فاصلہ صرف 60 سینٹی میٹر تھا۔ پولیس نے حوالے سے بھی تحقیقات کا آغاز کردیا ہے۔
