سوشل میڈیا پر یہ خبر تیزی سے وائرل ہو رہی ہے کہ ویرات کوہلی نے چیمپئنز ٹرافی جیتنے پر اپنے ڈرائیور کو 50 لاکھ روپے انعام دیا ہے۔
بھارت نے گزشتہ اتوار کو دبئی میں نیوزی لینڈ کو شکست دے کر ریکارڈ تیسری بار چیمپئنز ٹرافی اپنے نام کی ہے۔ اس جیت کے بعد جہاں بھارتی کرکٹ سے جڑی کئی خبریں سامنے آ رہی ہیں۔ وہیں سوشل میڈیا پر یہ خبر بھی تیزی سے وائرل ہو رہی ہے کہ ویرات کوہلی نے اس جیت کے بعد اپنے ڈرائیور پر دولت کی برسات کرتے ہوئے اس کو 50 لاکھ انعام دیا ہے۔
سوشل میڈیا پوسٹس میں بھارتی میڈیا کے حوالے سے کہا جا رہا ہے کہ اسٹار بیٹر ویرات کوہلی نے اپنے ڈرائیور انیس سے وعدہ کیا تھا کہ بھارت کے چیمپئنز ٹرافی جیتنے پر وہ اس کو بڑا انعام دیں گے۔
ان پوسٹس میں یہ بھی کہا جا رہا ہے کہ ویرات نے 15 سال سے اپنے پاس بطور ڈرائیور کام کرنے والے انیس احمد کو فائنل میچ دیکھنے کے لیے دبئی بھی بلایا تھا اور فائنل جیتنے پر فوری 50 لاکھ کا چیک دے کر اپنا وعدہ بھی پورا کر دکھایا۔
تاہم دوسری جانب اتنی بڑی خبر بھارت کے کسی بھی مین اسٹریم میڈیا پر موجود نہیں ہے۔ جس کے باعث اب تک اس کی تصدیق نہیں ہوسکی ہے
بھارتی مین اسٹریم میڈیا جو اپنے کرکٹرز کی معمولی بات بھی اچھال کر بیان کرتا ہے۔ اس میڈیا کی نظروں سے یہ خبر چھپی رہنا ظاہر کرتا ہے کہ ویرات کوہلی کی اپنے ڈرائیور کو 50 لاکھ روپے انعام دینے کی خبر سوشل میڈیا پر پھیلائی جانے والی اکثر من گھڑت خبروں کی طرح ایک گھڑی گئی خودساختہ خبر ہے۔
چیمپئنز ٹرافی جیتنے کے بعد ویرات کوہلی نے محمد شامی کی والدہ کے پیر چھو لیے، ویڈیو وائرل
