پیر, فروری 17, 2025
اشتہار

ویرات کوہلی کو فٹنس میں کس کھلاڑی نے پیچھے چھوڑ دیا؟

اشتہار

حیرت انگیز

بھارتی کرکٹ ٹیم کے سابق کپتان ویرات کوہلی کو فٹنس میں ساتھی کرکٹر شبھمن گل نے پیچھے چھوڑ دیا۔

بھارتی میڈیا رپورٹس کے مطابق مایہ ناز بیٹر ویرات کوہلی نے یویو ٹیسٹ کا رزلٹ 17.2 بتایا تھا لیکن شبھمن گل کا رزلٹ 18.7 آیا ہے جس کے بعد وہ کوہلی سے آگے نکل گئے ہیں۔

یویو ٹیسٹ میں کٹ آف لیول 16.5 اسکور رکھا گیا تھا۔

ایشیا کپ کی تیاری کے لیے لگائے جانے والے کیمپ میں بھارتی کرکٹرز کے یویو ٹیسٹ لیے گئے تھے جس میں شبمن گل کا سب سے بہتر رزلٹ آیا۔

بھارتی میڈیا کے مطابق شبمن گل کے علاوہ دیگر کھلاڑیوں کا رزلٹ 16.5 سے 18 کے درمیان رہا جبکہ جسپرت بمراہ سمیت پانچ کرکٹرز کے یویو ٹیسٹ ابھی ہونا باقی ہیں۔

واضح رہے کہ ویرات کوہلی نے اپنے یویو ٹیسٹ کا رزلٹ سوشل میڈیا پر بتایا تھا جس کے بعد بھارتی بورڈ نے زبانی طور پر کھلاڑیوں کو وارننگ دی تھی اور رزلٹ پوسٹ کرنے سے منع کیا تھا۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں