سپراسٹار بیٹر ویرات کوہلی نے اپنی ٹیم رائل چیلنجرز بنگلورو کے آئی پی ایل کے پلے آف مرحلے میں پہنچنے پر اہم پیغام جاری کیا ہے۔
انڈین پریمیئر لیگ میں ہفتے کو بنگلورو نے چنئی سپر کنگز کے خلاف زبردست جیت حاصل کی تھی اور لگاتار چھ میچز جیتتے ہوئے پلے آف مرحلے میں جگہ بنائی تھی۔ کوہلی نے آئی پی ایل 2024 کے دوسرے ہاف میں آر سی بی کو جیت کی راہ پر گامزن کرنے میں بڑا کردار ادا کیا ہے۔
اسٹار بلے باز اس سیزن میں مسلسل رنز اسکور کیے ہیں انھوں نے 14 میچوں میں 155.60 کے اسٹرائیک ریٹ سے 708 رنز بناکر خود کو اب تک اورنج کیپ کا حقدار بنا رکھا ہے۔
پلے آف کے لیے کوالیفائی کرنے کے بعد انھوں نے اپنے پیغام میں کہا کہ خدا نے ان کے لیے ایک منصوبہ بنایا تھا، اور انہوں نے اپنی مہم میں پہلے آٹھ میں سے سات میچ ہارنے کے بعد سنسنی خیز تبدیلی کی۔
کوہلی نے آر سی بی کی طرف سے پوسٹ کی گئی ایک ویڈیو میں کہا کہ ’خدا آپ کی تقدیر کا مالک ہے، آپ کو صرف اس بارے میں ایماندار ہونا پڑتا ہے جو آپ کررہے ہیں۔ مجھے لگتا ہے کہ ہم نے اپنی محنت کافی ایمانداری کے ساتھ کی تھی اور ہمیں اس کا صلہ مل گیا‘۔
بنگلورو کے بیٹرنے مضبوط ذہینت کا مظاہر کرتے ہوئے مزید کہا کہ ’میں اس سے زیادہ کچھ نہیں کہنا چاہتا ہمیں اگلے مرحلے پر توجہ مرکوز کرنی ہے۔
