ممبئی: بھارتی کرکٹر ویرات کوہلی نے فٹبال کی دنیا کے بہترین کھلاڑی کرستیانورونالڈو کو شاندار الفاظ میں خراج تحسین پیش کیا ہے۔
فوٹو اینڈ شیرئنگ ایپ انسٹاگرام پر ایک پوسٹ شیئر کی ہے جس میں رونالڈو کی ایک تصویر کے ساتھ ایک کیپشن لکھا ہے۔
ویرات کوہلی نے کیپشن میں لکھا کہ کوئی ٹرافی یا ٹائٹل آپ سے وہ کچھ نہیں چھین سکتا جو آپ نے اس کھیل اور دنیا پھر میں موجود مداحواں کو دیا ہے، کوئی ٹائٹل اس بات کی وضاحت نہیں کرسکتا۔
کرکٹ کے اسٹار کھلاڑی ویرات نے کہا کہ آپ نے ہم لوگوں پر ایسا اثر ڈالا ہے کہ جب ہم آپ کو کھیلتے دیکھتے ہیں تو محسوس کرتے ہیں، یہ خدا کی طرف سے ایک تحفہ ہے۔
View this post on Instagram
انہوں نے کہا کہ یہ تحفہ ایک ایسے شخص کے لیے ہے جو ہر بار اپنے دل سے کھیلتا ہے، یہ محنت اور لگن کی ایک اعلیٰ مثال ہے جو ہر کھلاڑی کے لیے مثالی نمونہ ہے۔
کوہلی نے رونالڈو کو کہا کہ آپ میرے لیے ہمیشہ سے عظیم کھلاڑی ہیں اور رہیں گے۔
واضح رہے کہ قطر میں جاری فیفا ورلڈکپ کے کوارٹر فائنل میں گزشتہ دنوں مراکش نے پرتگال کو 0-1 سے شکست دے کر پہلی مرتبہ سیمی فائنل میں جگہ بنائی اور ساتھ ہی رونالڈو کے ورلڈکپ جیتنے کا خواب بھی چکنا چور کر دیا۔
