The news is by your side.

Advertisement

عمرے پر آنیوالوں کیلئے سعودی حکومت کا اہم اعلان

ریاض : سعودی وزارت حج وعمرہ نے اعلان کیا ہے کہ عمرہ پرآنیوالوں کی ویزہ مدت توسیع نہیں ہوگی اور حرم مکی الشریف میں نماز باجماعت یا عمرہ کیلئے آن لائن پرمٹ لازم ہے۔

تفصیلات کے مطابق سعودی وزارت حج وعمرہ کی جانب سے بیان میں کہا گیا ہے کہ عمرہ پرآنیوالوں کی ویزہ مدت میں توسیع نہیں ہوسکتی، ویزے کی مدت 30 دن کی ہوتی ہے۔

سعودی حکام کا کہنا تھا کہ حرم مکی الشریف میں نمازباجماعت یاعمرہ کیلئےآن لائن پرمٹ لازم ہے، پرمٹ سعودی شہریوں اوریہاں رہنے والے غیرملکیوں کیلئےبھی ضروری ہے۔

سعودی وزارت حج وعمرہ نے کہا کہ 2سال سے کم عمربچوں کو بھی حرم مکی الشریف میں لے کرجانا منع ہے جبکہ عمرہ پرمٹ کے بغیر مسجد الحرام میں داخلہ ممنوع ہے۔

یاد رہے سعودی عرب میں وزارت حج و عمرہ نے توکلنا اور اعتمرنا ایپ کے ذریعے عمرہ اجازت نامے جاری کرانے والوں کو اہم ہدایات جاری کی ہیں۔

ادارے کا کہنا تھا کہ اگر زائرین اجازت نامے کی تاریخ میں کوئی ترمیم کرنا چاہتے ہوں تو اس کا مقررہ وقت شروع ہونے سے پہلے کروا سکتے ہیں، اجازت نامے کا وقت شروع ہونے پر ترمیم نہیں کرائی جا سکتی۔

Comments

یہ بھی پڑھیں