The news is by your side.

Advertisement

ویزا اور ماسٹر کارڈ کا بھی روس میں آپریشن معطل کرنے کا اعلان

یوکرین پر حملے کی مذمت کرتے ہوئے مالی ادائیگی کی عالمی کمپنیوں ماسٹر کارڈ اور ویزا نے بھی روس میں اپنے آپریشن بند کرنے کا اعلان کردیا۔

غیر ملکی میڈیا کے مطابق روس کے یوکرین پر فوجی آپریشن کے خلاف آواز اٹھاتے ہوئے کئی عالمی ادارے روس پر پابندیوں کا اعلان کرچکے ہیں، جب کہ ماسٹر کارڈ اور ویزا نے بھی روس میں آپریشن معطل کرنے کا فیصلہ سنا دیا ہے۔

مالی ادائیگی کی عالمی کمپنیوں ماسٹر کارڈ اور ویزا نے اعلان کیا ہے کہ آئندہ دنوں میں روس کے ساتھ لین دین کو مکمل طور پر منقطع کر دیں گے، جس کے بعد روس کیلئے جاری کیے گئے کارڈ دیگر ممالک میں کام نہیں کریں گے اور نہ ہی دیگر ممالک میں جاری کیے گئے روس میں چلیں گے۔

مذکورہ کمپنیوں کی جانب سے اٹھایا گیا اقدام یوکرینی صدر زیلنسکی کی گزارش پر کیا گیا ہے۔

واضح رہے کہ روس نے 24 فروری 2022 کو یوکرین پر فوجی چڑھائی کی تھی، جس کے بعد سے اب تک سیکڑوں فوجی و شہری ہلاک ہوچکے ہیں۔

Comments

یہ بھی پڑھیں