قوت مدافعت کیلئے وٹامنز نہایت ضروری لیکن ٹھہریے!

انسانی جسم میں موجود قوت مدافعت کو مستحکم رکھنے کے لیے وٹامنز اور منرلز بنیادی اجزا کی حیثیت رکھتے ہیں لیکن یہ جاننا بہت ضروری ہے کہ کونسا وٹامن کس وقت استعمال کیا جائے گا۔

وٹامنز کی متوازن مقدار مدافعتی نظام کو مضبوط بناتی ہے جس سے وائرل ذرات اور مختلف امراض انسانوں کے پاس نہیں بھٹکتے، تاہم وٹامنز کھانے کا مقررہ وقت کا تعین نہایت ضروری ہے، اگر ایسا نہ ہوا تو ان کے مضر اثرات بھی مرتب ہوسکتے ہیں اور وٹامنز کو سپلیمنٹس کے طور پر کھانے کا کوئی فائدہ بھی نہیں ہوگا۔

ماہرین کے مطابق کچھ وٹامنز کھانے سے پہلے یا بعد جبکہ کئی نہار منہ بھی کھائے جاتے ہیں جبکہ دیگر وٹامنز کیپسول کھانے کے دوران بھی لیے جاتے ہیں، تمام سپلیمنٹس جسم میں مختلف انداز سے اثرانداز ہوتے ہیں۔

ملٹی وٹامنز کھانے کا صحیح وقت

ڈاکٹروں کا ماننا ہے کہ ملٹی وٹامنز کے کیپسول میں زنک، کیلشیم، آئرن، فولک ایسڈ، وٹامن اے، بی(مختلف اقسام)، سی، ای اور ڈی کی بڑی مقدار پائی جاتی ہے لہذا ملٹی وٹامنز کھانے کا صحیح وقت دوپہر کے کھانے کے دوران ہے، دوپہر کے کھانے سے قبل وٹامن کا کیپسول لیں اور کھانا کھا لیں۔

لوگوں کو مشورہ ہے کہ ملٹی وٹامنز ہمیشہ بڑا گلاس بھر کر پانی کے ساتھ لیں۔

فولک ایسڈ وٹامنز کا استعمال

ماہرین نے کہا ہے کہ فولک ایسڈ وٹامنز حاملہ خواتین کے لیے نہایت مفید ہوتے ہیں، حمل سے ایک سال قبل فولک ایسڈ کا استعمال شروع کرنے سے قوت مدافعت پر مثبت اثرات مرتب ہوں گے۔

فیٹ سلیوبل وٹامنز کا صحیح وقت پر استعمال

فیٹ سلیوبل تیل پر مشتمل وٹامنز ہوتے ہیں، ان وٹامنز کو ہضم کرنے کے لیے چکناہٹ کی ضرورت پیش آتی ہے، ان کا استعمال ایسی غذاؤں کے ساتھ کرنا چاہیے جن میں سیچوریٹڈ فیٹ موجود ہوں۔ فیٹ سلیوبل میں وٹامن A، E ، D اور K ہوتے ہیں اسی لیے ان کا استعمال شام کے وقت مفید ثابت ہوں گے۔

واٹر سلیوبل وٹامنز

دیگر وٹامنز سے ہٹ کر واٹر سلیوبل پانی میں گھلنے والے وٹامنز ہوتے ہیں، یہ خالی پیٹ زیادہ بہتر طریقے سے ہضم اور مؤثر طریقے سے انسانی جسم میں اثر انداز ہوتے ہیں، ان کا استعمال صبح ناشتے سے ڈھائی گھنٹے قبل کرنا چاہیے۔

وٹامنز بی لینے کا وقت

طبی ماہرین کے مطابق وٹامنز بی کا استعمال صبح اٹھتے ہی نہار میں کرنا چاہیے، ان وٹامنز میں ذہنی تناؤ کم کرنے کی صلاحیت موجود ہوتی ہے، جو جسمانی صحت کے لیے انتہائی اہم ہے۔

وٹامنز کے خطرناک اثرات

ڈاکٹر جہاں وٹامنز کے استعمال کا مشورہ دیتے ہیں وہیں اس کے مضر اور خطرناک اثرات سے بھی آگاہ کیا ہے، وٹامن کا زیادہ استعمال منفی ردعمل دیتا ہے، لہذا ماہرین کے مشورے کے تحت استعمال کریں۔ ملٹی وٹامنز کیپسول کا ایک دن میں صرف ایک استعمال کیا جائے گا، اسی طرح حاملہ عورتوں کو بھی خیال کرنا چاہیے۔

Comments