یوٹیوب پر مشہور ہونے کے لیے ویڈیو بنانے والے کوئی بھی کام کرنے سے گریز نہیں کرتے، جس کا ایک اور ثبوت سامنے آیا ہے۔
امریکی ریاست کیلی فورنیا سے تعلق رکھنے والی خاتون یوٹیوبر جارڈن چیہن کے یوٹیوب چینل کو 5 لاکھ 38 ہزار صارفین نے سبکرائب کیا ہوا تھا۔
خاتون وی لاگر نے حال ہی میں ایک ویڈیو اپنے یوٹیوب چینل پر شیئر کی جس میں وہ گاڑی میں بیٹھی ویڈیو بنا رہی تھیں، اسی دوران انہوں نے بچے کو قریب بلایا اور اُسے آہستہ سے رونے کے لیے کہا۔
ویڈیو میں نظر آنے والا بچہ رو نہیں رہا تھا بلکہ یہ سب کچھ پہلے سے طے شدہ ڈرامہ تھا، جس پر اُس نے ایسا ہی منہ بنایا۔ ویڈیو میں نظر آنے والا بچہ دراصل خاتون کا اپنا ہی بیٹا ہے۔ جنہوں نے اس کے ذریعے اپنے فالوورز کے سامنے اس ڈرامے کی کوشش کی کہ وہ دونوں بہت غمزدہ ہیں۔
this is so DISTURBING what is wrong with mom vloggers omfg pic.twitter.com/krUjM5Sfit
— elle woods ♿︎ 24 (@artangeIII) September 8, 2021
خاتون نے یہ ویڈیو انٹرنیٹ پر شیئر کی تو اُن کے فالوورز نے اسے بہت زیادہ رپورٹ کیا، جس کے بعد انہوں نے خود بھی ویڈیو کو اپنے چینل سے اسے ڈیلیٹ کیا اور پھر اکاؤنٹ ہی بند کردیا۔
