The news is by your side.

Advertisement

بہتر سمجھتے ہیں کس فورس کو کہاں‌ رکھنا ہے، وفاق ڈکٹیٹ نہ کرے،سندھ حکومت

کراچی: رینجرز اختیارات کی سمری مسترد ہونے کے معاملے پرردعمل ظاہر کرتے ہوئے سندھ حکومت نے کہا ہے کہ وفاق سندھ حکومت کو ڈکٹیٹ نہیں کرسکتا، ہم بہتر سمجھتے ہیں کہ کس فورس کو کہاں رکھنا ہے۔

اطلاعات کے مطابق سندھ حکومت کا کہنا ہے کہ امن و امان صوبائی حکومت کا معاملہ ہے وفاقی نہیں، پہلے بھی رینجرز کو یہی اختیارات دیے تھے، سندھ حکومت کی مرضی ہے کہ کس فورس کو کہاں رکھے وفاق ہمیں اس معاملے پر ڈکٹیشن نہ دے۔

سندھ رینجرز کے اختیارات میں‌ توسیع، وفاق نے سمری مسترد کردی*

اس حوالے سے مشیر قانون سندھ مرتضیٰ وہاب کا کہنا ہے کہ ہم نے رینجرز کو آئین کے مطابق اختیارات دیے ہیں، دہشت گردی ایکٹ میں وفاقی حکومت نے خود توسیع نہیں کی۔

یاد رہے کہ رینجرز کی جانب سے کسی بھی شہری کو 90 روزہ تحویل میں رکھنے کے اختیارات 14 جولائی کو ختم ہوچکے ہیں۔

واضح رہے کہ وزارت داخلہ کے قانونی ماہرین نے سمری کا جائزہ لینے کے بعد اسے ابتدائی طور پر مسترد کردیا تھا۔ ان کا کہنا ہے کہ سندھ اسمبلی کی سمری قانونی معیار پر پورا نہیں اترتی اور یہ آئین کے آرٹیکل 147کے مطابق نہیں ہے ۔

 یہ بھی یاد رہے کہ وزیراعلیٰ سندھ سید مراد علی شاہ نے رینجرز کے قیام میں ایک سال جب کہ کراچی آپریشن کے لئے خصوصی اختیارات میں 90 روز کی توسیع کی منظوری دی تھی۔

Print Friendly, PDF & Email

Comments

comments

یہ بھی پڑھیں