موجودہ زمانے کی خواتین موٹاپے سے زیادہ ڈبل چِن سے نجات حاصل کرنے کی فکر میں رہتی ہیں، کیوں کہ گردن کی چربی کم ہونے سے ان کے چہرے کی خوبصورتی اور نکھار میں اضافہ ہوتا ہے۔
آئیے اپنے قارئین کو گردن کی چربی غذا کے ذریعے پگھلانے کا آسان اور آزمودہ نسخہ بتاتے ہیں۔
خربوزہ اور پپیتا :
دونوں پھلوں میں کیلوریز کی مقدار انتہائی کم ہوتی ہے خربوزے اور پپیتے کا روزانہ بطور غذا استعمال گردن کی چربی پگھلانے میں بہت کارآمد ثابت ہوسکتا ہے۔
ناریل کا تیل :
ناریل کا تیل جسم کے متعدد مسائل کیلئے مفید ہے لیکن یہ گردن کی چربی بھی باآسانی پگھلا سکتا ہے۔
بس ہماری قارئین کو گردن کی چربی پر نیم گرم ناریل کے تیل کی روزانہ رات کو اچھی طرح مالش کرنی ہے، اس سے چربی کم ہوگی اور مسلز بھی متحرک رہیں گے۔
گرین ٹی :
سبز چائے میں کیٹیچنز کی وافر مقدار موجود ہوتی ہے جس کے باعث سبز چائے بہترین اینٹی آکسیڈینٹ ثابت ہوتی ہے، روزانہ ایک سے دو کپ گرین ٹی کا استعمال گردن کی چربی کم کرنے میں مفید ثابت ہوسکتی ہے۔
لیموں کا رس :
لیموں کے رس کا استعمال جسم کے فاسد مادوں کو خارج کرتا ہے، وزن میں کمی اور ہاضمے کیساتھ ساتھ گردن کی چربی بھی پگھلانے میں کارمد ثابت ہوتا ہے۔ اگر اس میں تخم بلنگا ملا لیا جائے تو لیموں رس اور بھی مفید ہوجائے گا۔
ورزش :
ورزش کو زندگی کا معمول بنالیں کیوں کہ روزانہ ورزش کرنے سے جسم متحرک رہتا ہے اور جسم کی چربی بھی پگھلتی ہے۔