اسلام آباد: واپڈا اور کیپکو بھی جڑانوالہ میں جلائے گئے گھروں کی بحالی کے لیے آگے آ گئے۔
تفصیلات کے مطابق واپڈا اور کوٹ ادو پاور کمپنی (کیپکو) چند روز قبل مشتعل افراد کے ہاتھوں جڑانوالہ میں مسیحی برادری کے نذرآتش کیے گئے گھروں کو بحال کریں گے۔
واپڈا نے اعلامیہ جاری کرتے ہوئے کہا ہے کہ ہہ بات قابل ذکر ہے کہ کیپکو کے اکثریتی حصص واپڈا کی ملکیت ہیں، واپڈا اور کیپکو کا یہ اقدام سماجی ذمہ داری کے تحت پاکستان کی مسیحی برادری سے یک جہتی کا اظہار ہے۔
واپڈا نے کہا کہ جلائے گئے گھروں کی بحالی کے لیے ان کا حکومت پنجاب سے رابطہ ہے، صوبائی حکومت اور ضلعی انتظامیہ کی معاونت سے گھروں کو پہنچنے والے نقصانات کا اندازہ لگانے کے لیے سروے کیا جا رہا ہے، جس کے فوری بعد مسیحی برادری کے گھروں کی ہنگامی بنیاد پر بحالی شروع کر دی جائے گی۔
Comments
- Advertisement -
