امریکی صدر کی مشیر خاص ایلون مسک کو آج چین کے ساتھ ممکنہ جنگ کی صورت میں انتہائی خفیہ منصوبے پر بریفنگ کی جائے گی۔
نیویارک ٹائمز نے جمعرات کو امریکی حکام کے حوالے سے رپورٹ کیا کہ امریکی صدر ڈونلڈ ٹرمپ کے قریبی اتحادی ارب پتی ایلون مسک کو جمعہ کو پینٹاگون کی طرف سے چین کے ساتھ کسی بھی جنگ کے بارے میں امریکی فوج کے منصوبے کے بارے میں بریفنگ دی جائے گی۔
رپورٹ میں بتایا گیا ہے کہ اس بریفنگ میں 20 سے 30 سلائیڈز ہیں جن میں امریکی منصوبہ بندی بیان کی گئی ہے۔
امریکی محکمہ دفاع نے تصدیق کی ہے کہ جمعہ کو ایلون مسک محکمۂ دفاع کے ہیڈ کوارٹر کا دورہ کریں گے تاہم اس حوالے سے مزید تفصیلات نہیں بتائی گئی ہیں۔
واضح رہے کہ امریکا اور چین روایتی حریف ہیں۔ واشنگٹن اور بیجنگ کے درمیان ٹیکنالوجی تک رسائی، تجارتی محصولات اور سائبر سیکیورٹی سے لے کر TikTok، تائیوان، ہانگ کانگ، انسانی حقوق اور COVID-19 کی ابتدا تک کے اختلافات پر برسوں سے کشیدہ تعلقات رہے ہیں۔
