اشتہار

اسرائیلی وزیراعظم کی ہٹ دھرمی ، معاہدے کے باوجود جنگ جاری رکھنے کا اعلان

اشتہار

حیرت انگیز

یروشلم : اسرائیلی وزیراعظم نیتن یاہو نے معاہدے کے باوجود جنگ جاری رکھنے کا اعلان کرتے ہوئے کہا ہے کہ معاہدے کا مطلب یہ نہیں کہ جنگ بند ہو جائے گی۔

تفصیلات کے مطابق اسرائیلی وزیراعظم کی ہٹ دھرمی برقرار ہے اورحماس کے ساتھ جنگ بندی کے معاہدے کے باوجود جنگ جاری رکھنے کا اعلان کردیا۔

اسرائیلی وزیراعظم نے کہا کہ معاہدے کا مطلب یہ نہیں کہ جنگ بند ہو جائے گی ، حماس کے ٹھکانوں کو نشانہ بناتے رہیں گے۔

- Advertisement -

ان کا مزید کہنا تھا کہ حماس سے 4 روزہ جنگ بندی معاہدے کے باوجود جنگ جاری رکھیں گے۔

یاد رہے قطراورمصرکی ثالثی میں حماس اوراسرائیل کے درمیان معاہدہ ہوگیا ہے، قطری وزارتِ خارجہ کا کہنا ہے پہلے مرحلے میں اسرائیل ایک سو پچاس اور حماس پچاس قیدی رہا کرے گا اور جنگ میں وقفہ چار روز کیلئے ہوگا، جس کا اعلان چوبیس گھنٹے میں کیا جائے گا۔

معاہدے کے مطابق غزہ میں مزید امداد بھیجی جاسکے گی، جس میں ایندھن سمیت طبی اور غذائی سامان متاثرین تک پہنچایاجائےگا۔

سینتالیس روز سےجاری اسرائیلی جارحیت میں چودہ ہزارسےزائد فلسطینی شہید ہوچکے ہیں جبکہ حماس کےحملوں میں تین سوسےزائد اسرائیلی فوجیوں سمیت بارہ سوسے اسرائیلی ہلاک ہوئے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں