سابق وزیراعظم اورپی ٹی آئی چیئرمین عمران خان کی گرفتاری پر سابق فاسٹ بولرز وسیم اکرم اور شعیب اختر نے افسوس کا اظہار کیا ہے۔
سماجی رابطے کی ویب سائٹ ٹوئٹر پر سابق کپتان وسیم اکرم نے لکھا کہ ’آپ ایک انسان ہیں لیکن آپ لاکھوں لوگوں کی طاقت ہیں، مضبوط رہیں کپتان۔‘
You are one man, but you have the strength of millions.
Stay strong skipper . #BehindYouSkipper— Wasim Akram (@wasimakramlive) May 9, 2023
سابق اسپیڈ اسٹار شعیب اختر نے ٹوئٹر پر عمران خان کی ویڈیو شیئر کرتے ہوئے لکھا کہ ’قومی ہیرو کے ساتھ جس طرح کی بدتمیزی کی جارہی ہے اور جو ویڈیوز سامنے آرہی ہیں یہ دل شکستہ ہے۔‘
انہوں نے لکھا کہ ’وہ زخمی ہیں اور پاکستان کے لیے ان کی ان گنت خدمات ہیں، ہم کس جانب بڑھ رہے ہیں، برائے مہربانی اپنے قومی ہیرو کے لیے عزت دکھائیں۔‘
It's a heart wrenching visual to see our national hero , @ImranKhanPTI being manhandled this way, considering he's injured and has countless services for Pakistan, Where are we heading towards? Show some respect to our national hero’s plz🙏🙏🙏 pic.twitter.com/UFd08TVOcp
— Shoaib Akhtar (@shoaib100mph) May 10, 2023
سابق کپتان محمد حفیظ نے بھی عمران خان کی گرفتاری کی ویڈیو شیئر کرتے ہوئے لکھا کہ ’دردناک اور قابل مذمت عمل ہے۔‘
Painful & condemnable act @ImranKhanPTI #ImranKhanArrest https://t.co/Hv0ILjVVej
— Mohammad Hafeez (@MHafeez22) May 9, 2023
واضح رہے کہ گزشتہ روز قومی احتساب بیورو (نیب) کے حکم پر رینجرز نے چیئرمین تحریک انصاف اور سابق وزیراعظم عمران خان کو اسلام آباد ہائی کورٹ کے احاطے سے گرفتار کیا تھا۔