قومی ٹیم کے کپتان بابر اعظم نے ننھے پرستار کی خواہش پوری کردی۔
اے آر وائی نیوز کے مطابق قومی ٹیم کے کپتان بابر اعظم ننھے پرستار سے ملنے کراچی کے نجی اسپتال پہنچے تو ننھا پرستار پسندیدہ اسٹار سے مل کر خوش ہوگیا۔
ننھے مداح نے بابر اعظم سے کہا کہ ’میں ہمیشہ ٹیم اور آپ کی کامیابی کی دعا کرتا ہوں، دوسرے ٹیسٹ میں کیوی ٹیم کو شکست دینی ہے۔‘
مایہ ناز بیٹر نے ننھے مداح کو ون ڈے میچز دیکھنے کی دعوت بھی دی اور ٹکٹ بھیجنے کا وعدہ کرتے ہوئے کہا کہ میچ دیکھنے کے لیے ضرور آنا ہے آپ کو پوری ٹیم سے ملواؤں گا۔
Our captain @babarazam258 met the number one fan of the Pakistan cricket team. pic.twitter.com/IgIoNqyzfS
— Pakistan Cricket (@TheRealPCB) December 31, 2022
بابر اعظم نے ویڈیو کال پر وکٹ کیپر بیٹر محمد رضوان سے مداح کی بات بھی کروائی۔
واضح رہے کہ دو روز قبل کراچی ٹیسٹ کے دوران محمد رضوان سے ملنے کے لیے مداح اوکاڑہ سے کراچی پہنچا تھا، محمد رضوان نے مداح کو ٹی شرٹ پر آٹو گراف بھی دیا تھا۔