قومی ٹیم کے کپتان بابر اعظم سیلفی لینے کے دوران مداح پر غصے میں آگئے جس کی ویڈیو سوشل میڈیا پر وائررل ہوگئی۔

ایشیا کپ میں پاک بھارت میچ کے دوران قومی ٹیم کے کپتان بابر اعظم اس بار کسی کھلاڑی پر نہیں بلکہ جوشیلے مداح پر غصے میں آگئے۔

ویڈیو میں دیکھا جاسکتا ہے کہ بابر اعظم ڈگ آؤٹ میں جارہے ہیں اس دوران ایک شخص سیلفی لینے کے لیے ان کے ساتھ چلنے لگتا ہے۔

First time ever i have seen this guy loosing his cool. #AsiaCup2023 pic.twitter.com/hE2emxmZqK

— Nibraz Ramzan (@nibraz88cricket) September 10, 2023

مداح بابر کے ساتھ ایک مرتبہ سیلفی لیتا ہے لیکن وہ تصویر صحیح طریقے سے نہیں لے پاتا پھر وہ جب انہیں دوسری بار روکتا ہے تو وہ غصے میں آجاتے ہیں اور مداح بھی چلا جاتا ہے۔

وائرل ویڈیو پر مداح ملے جلے ردعمل کا اظہار کررہے ہیں کسی نے کہا کہ مداح کو بھی پرائیویسی کا خیال کرنا چاہے جبکہ کچھ کا کہنا ہے کہ کرکٹرز کو مداحوں کے ساتھ اس طرح کا رویہ اختیار نہیں کرنا چاہیے۔

واضح رہے کہ اس سے قبل بابر اعظم پاک افغان دوسرے ون ڈے میچ کے دوران شاداب خان کو منکڈ آؤٹ کرنے پر غصے میں آگئے تھے۔