میرپور: بنگلہ دیش اور نیوزی لینڈ کے درمیان کھیلے جارہے دوسرے ون ڈے میچ میں بنگلہ دیش بولر حسن محمود نے ایش سودھی کو ’منکڈ‘ کیا جس کے بعد دلچسپ صورتحال پیدا ہوگئی۔
میرپور میں کھیلے جارہے دوسرے ون ڈے میچ میں نیوزی لینڈ کی ٹیم پہلے بیٹنگ کرتے ہوئے 49.2 اوورز میں 254 رنز بنا کر آؤٹ ہوئی، 255 رنز کے تعاقب میں بنگلہ دیش کی بیٹنگ جاری ہے۔
Dutch Bangla Bank Cricket Series 2023
Bangladesh 🆚 New Zealand | 2nd ODI 🏏Moments of the Bangladesh Bowling ✨#BCB | #Cricket | #BANvNZ pic.twitter.com/F7wqd0D97P
— Bangladesh Cricket (@BCBtigers) September 23, 2023
45.1 اوورز میں نیوزی لینڈ کے 224 رنز پر 8 کھلاڑی آؤٹ تھے اور کیوی لیگ اسپنر ایش سودھی نان اسٹرائیکر اینڈ پر بیٹنگ کررہے تھے اس وقت دلچسپ صورتحال پیدا ہوگئی جس کی ویڈیو اور تصاویر سوشل میڈیا پر وائرل ہوگئی۔
ویڈیو میں دیکھا جاسکتا ہے کہ بنگلہ دیشی فاسٹ بولر حسن محمود نے ایش سودھی کو ’منکڈ‘ رن آؤٹ کیا جس کے بعد امپائر مریس ایرسمس نے انہیں آؤٹ قرار دیا۔
ایش سودھی آؤٹ ہوکر جانے لگے اور حسن محمود کو طنزیہ انداز میں تالیاں بجا کر داد دینے لگے۔
اسی لمحے بنگلہ دیش کپتان لٹن داس نے امپائر سے گفتگو کی اور کیوی بیٹر ایش سودھی کو واپس بلا لیا جس کے بعد وہ بیٹنگ کے لیے آنے لگے اور حسن محمود کو گلے بھی لگایا۔
In case you missed it, here’s the video. 🇧🇩🇳🇿❤️#BANvNZ pic.twitter.com/pL4shAIROX
— Saif Ahmed 🇧🇩 (@saifahmed75) September 23, 2023
ایش سودھی 39 گیندوں پر 35 رنز بنا کر آؤٹ ہوئے، حسن محمود نے 10 اوور میں 46 رنز دے کر ایک وکٹ حاصل کی۔
سوشل میڈیا پر حسن محمود کے ’منکڈ‘ کی ویڈیو وائرل ہورہی ہے اور شائقین کرکٹ بنگلہ دیش کپتان لٹن داس کے اقدام کو خوب سراہا رہے ہیں۔
