غزہ سے لائیو رپورٹنگ کے دوران الجزیرہ کی رپورٹر کے عقب میں اسرائیل کے حملے کی ویڈیو سامنے آگئی۔
عرب ٹی وی الجزیرہ کی رپورٹر یومنہ السید غزہ سے لائیو رپورٹنگ کررہی تھیں کہ اچانک عقب میں اسرائیل کا حملہ ہوا، اچانک حملے پر خاتون رپورٹر دہل گئی۔
Stay safe @YoumnaElSayed17
An Israeli missile hit a residential building in #Gaza then #Palestine tower was bombed and completely destroyed.pic.twitter.com/x0fc7xoOu6
— Osama Bin Javaid (@osamabinjavaid) October 7, 2023
ویڈیو میں دیکھا جاسکتا ہے کہ حملے پر خاتون رپورٹر چیخ مار کر پہلے کیمرے کے آگے سے ہٹ گئیں پھر ان کی آواز لرزی لیکن انہوں نے رپورٹنگ کا سلسلہ جاری رکھا۔
خاتون رپورٹر نے بتایا کہ فلسطین ٹاور پر میزائل داغا گیا ہے۔
واضح رہے کہ اسرائیل کی جانب سے غزہ کے نہتے شہریوں پر وحشیانہ بمباری کی گئی ہے، اطلاعات سامنے آئی ہیں کہ 200 سے زائد فلسطینی بمباری کے باعث شہید ہوگئے ہیں۔
اسرائیلی حملوں میں ہزار کے قریب فلسطینی زخمی ہوئے ہیں جب کہ غزہ میں اسرائیلی فضائی حملے میں متعدد عمارتیں بھی ملبے کا ڈھیر بن گئی ہیں۔
دوسری طرف فلسطینی مزاحمتی قوتوں نے بھی دشمن کی جارحیت کا منہ توڑ جواب دیا اور صہیونی فوج کے ٹھکانوں اور یہودی کالونیوں پر ہزاروں کی تعداد میں راکٹ داغے ہیں۔
