انگلیند کے کھلاڑی جیمز اینڈرسن کی راجکوٹ ٹیسٹ میچ میں رویندر جڈیجہ کے جشن کی نقل اترانے کی ویڈیو سوشل میڈیا پر وائرل ہوگئی۔
بھارت اور انگلینڈ کے درمیان جاری پانچ ٹیسٹ میچوں پر مشتمل سیریز کا تیسرا میچ راجکوٹ میں کھیلا گیا جہاں کپتان روہت شرما اور رویندر جڈیجہ کی سنچریوں کے درمیان مڈل آرڈر بیٹر سرفراز خان کی ڈبیو ٹیسٹ میں بیٹنگ موضوع بحث رہی۔
View this post on Instagram
سخت محنت اور طویل صبر کے بعد بھارتی کھلاڑی سرفراز خان کو بالآخر بھارتی ٹیم کی نمائندگی کا موقع ملا اور انہوں نے پہلے ہی دن بیٹنگ کرتے ہوئے 66 گیندوں میں 9 چوکوں اور ایک چھکے کی مدد سے 62 رنز اسکور کئے لیکن بدقسمتی سے رن آؤٹ ہوگئے۔
بیٹے کا ڈیبیو ٹیسٹ دیکھنے کیلیے کس نے اسٹیڈیم آنے پر قائل کیا؟ سرفراز کے والد کا انکشاف
جڈیجہ نے اینڈرسن کی ایک گیند کو مڈ آن کی طرف کھیلا اور رنز کے لیے دوڑے، لیکن مارک ووڈ کے تھرو سے سرفراز آؤٹ ہوگئے کھیل کے بعد جڈیجہ نے سوشل میڈیا پر سرفراز سے معافی بھی مانگیں۔
سرفراز خان کے کیریز سے واپس جانے کے بعد جڈیجہ نے اپنی سنچری مکمل کی اور جشن منایا جبکہ ان کے پیچھے موجود اینڈرسن نے جڈیجہ کے اس جشن کی نقل کی۔
واضح رہے کہ انگلیند کے کھلاڑی اینڈرسن اور جڈیجہ کی ایک تاریخ ہے جو انگلینڈ میں 2014 کی سیریز کی ہے جب بھارتی کھلاڑی نے اینڈرسن پر بدسلوکی اور دھکا دینے کا الزام لگایا تھا۔
