کراچی کے علاقے کورنگی کراسنگ بھٹائی کالونی میں بچی نے شور مچا کر اپنے اغوا کی کوشش ناکام بنادی۔
اے آر وائی نیوز کے مطابق کراچی کے علاقے کورنگی کراسنگ بھٹائی کالونی میں بچی کو اغوا کرنے کی کوشش کی گئی، خاتون اور بچی کے شور مچانے پر ملزمان موقع سے فرار ہوگئے۔
سیکٹر ڈی میں پیش آئے واقعے کی سی سی ٹی وی فوٹٰج سامنے آگئی۔
فوٹیج میں خاتون کو بچی کے ہمراہ گلی سے پیدل جاتے دیکھا جاسکتا ہے، موٹر سائیکل پر دو ملزمان آئے، ایک اترا اور بچیکو پکڑنے لگا۔
فوٹیج میں بچی کو پیچھے ہٹتے اور شور مچاتے دیکھا جاسکتا ہے، فوٹیج میں خاتون بھی مددد کے لیے پکار کررہی ہے۔
ملزمان صورتحال دیکھ کر موٹر سائیکل پر بیٹھے اور فرار ہوگئے۔
ایس ایس پی کورنگی کامران خان کا کہنا ہے کہ واقعے سے متعلق تحقیقات کررہے ہیں، خاتون نے بتایا ملزم نے کہا بچی دو ورنہ انگلی کاٹ دوں گا۔
پولیس کا کہنا ہے کہ خاتون نے بتایا کہ ملزمان بچی کو لے جانا چاہتے تھے، فیملی کا بیان لے کر قانونی کارروائی عمل میں لائی جارہی ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں