بھارت سمیت دیگر ممالک میں گرمی بڑھنے سے انسانوں کے ساتھ ساتھ جانوروں کا بھی برا حال ہے ایسے میں لوگ جانوروں کی مدد کرتے ہیں اور انہیں پانی پلاتے ہیں۔
ایسی ہی ایک ویڈیو سوشل میڈیا پر وائرل ہورہی ہے جس میں دیکھا جاسکتا ہے کہ اونٹ گرمی کی وجہ سے نڈھال سڑک پر موجود ہے۔
ایک شخص نے اونٹ کو پیاسا دیکھ کر اسے بوتل سے پانی پلایا اور اس کی جان بچالی۔
مذکورہ ویڈیو بھارتی محکمہ جنگلات کے افسر سوسنتا نندا نے شیئر کی اور لکھا کہ ’گرمی سے نڈھال اونٹ مرنے کے قریب ہے ایک مہربان ڈرائیور اسے پانی پلاتا ہے اور اس کی زندگی بچاتا ہے۔
Drained by the heat, the camel was few minutes away from passing out. Kind driver gives water & revives it.
We are experiencing unexpected heat waves. Your few drops of water can save the lives of animals. Be compassionate to our fellow travellers . pic.twitter.com/daE7q9otdv
— Susanta Nanda (@susantananda3) June 11, 2023
انہوں نے لکھا کہ ’ہمیں ہیٹ ویو کا سامنا ہے پانی کے چند قطرے جانوروں کی جان بچاسکتے ہیں، ہمارے ساتھی مسافروں کے ساتھ ہمدردی رکھیں۔
سوشل میڈیا پر یہ ویڈیو تیزی سے وائرل ہورہی ہے اور صارفین ڈرائیور کے اقدام کو سراہا رہے ہیں۔
ایک صارف نے لکھا کہ ’گرمیوں میں ہیٹ ویوز کا ہونا لازمی ہے اور درجہ حرارت 50 سینٹی گریڈ تک پہنچ جائے گا براہ کرم جانوروں کا مناسب جگہوں پر انتظام کریں۔
دوسرے صارف نے لکھا کہ ’ویڈیو سب کے لیے پیغام ہے کہ وہ گرمی میں جانوروں کو پانی پلا کر ان کی مدد کرسکتے ہیں۔
