آسٹریلیا کے شہر سڈنی ایئرپورٹ پہنچنے پر قومی ٹیم کے کھلاڑیوں کی اپنا سامان خود ٹرک پر رکھنے کی ویڈیو اور تصاویر سوشل میڈیا پر وائرل ہوگئیں۔
قومی ٹیم آسٹریلیا سے تین ٹیسٹ میچز کی سیریز کھیلنے کے لیے سڈنی پہنچ گئی ہے جہاں شان مسعود قومی ٹیسٹ ٹیم کی قیادت کریں گے۔
تاہم سڈنی پہنچ کر ایئرپورٹ سے باہر نکلنے کے بعد قومی ٹیم کے کھلاڑیوں نے اپنا سامان خود ٹرک پر لوڈ کیا جس کی ویڈیو سوشل میڈیا پر وائرل ہوگئیں۔
ویڈیو میں دیکھا جاسکتا ہے کہ قومی ٹیم کے کھلاڑی اپنی مدد آپ کے تحت سامان ٹرک پر رکھ رہے ہیں۔
ذرائع کا بتانا ہے کہ قومی کھلاڑیوں نے وقت بچانے کے لیے اپنا سامان خود ٹرک میں لوڈ کیا۔
Pakistan team has reached Australia to play 3 match Test series starting December 14.
Pakistani players loaded their luggage on the truck as no official was present. pic.twitter.com/H65ofZnhlF
— Cricketopia (@CricketopiaCom) December 1, 2023
واضح رہے کہ پاکستانی ٹیم سڈنی سے کینبرا پہنچے گی جہاں 2 دسمبر کو آرام کرنے کے بعد 3 دسمبر سے اپنے ٹریننگ سیشن کا آغاز کرے گی جبکہ پاکستان کرکٹ ٹیم کینبرا میں 6 سے 9 دسمبر تک چار روزہ میچ کھیلے گی۔
پاکستان اور آسٹریلیا کے درمیان ٹیسٹ سیریز کا آغاز 14 دسمبر کو ہوگا۔
تین میچوں کی سیریز کا پہلا ٹیسٹ پرتھ میں کھیلا جائے گا جبکہ دوسرا ٹیسٹ 26 دسمبر سے میلبرن اور سیریز کا تیسرا اور آخری ٹیسٹ میچ 3 جنوری کو سڈنی میں کھیلا جائے گا۔
