طالب علموں کے ساتھ ڈانس کرنے والا اسکول پرنسپل -
The news is by your side.

Advertisement

طالب علموں کے ساتھ ڈانس کرنے والا اسکول پرنسپل

اسکول پرنسپل کا نام سُن کر دماغ میں پہلا خیال یہی آتا ہے کہ وہ سخت ہوں گے، طالب علموں پر اپنا رعب جماتے ہوں گے مگر چین کے ایک نوجوان ٹیچر نے ان ساری باتوں کو غلط قرار دے دیا۔

تفصیلات کے مطابق چین کے جنوبی صوبے شنگھائی کے ژی گوانگ پرائمری اسکول میں پرنسپل کے امور انجام دینے والے چالیس سالہ ژہانگ پینگ فی اپنے طالب علموں سے دوستانہ ماحول رکھتے ہیں اور وہ دیگر سے بالکل الگ ہیں۔

ژہانگ کی سوشل میڈیا پر ایک ویڈیو وائرل ہوئی جس میں دیکھا جاسکتا ہے کہ وہ طالب علموں کی حوصلہ افزائی کے لیے کس طرح اقدامات کرتے ہیں۔

اسکول پرنسپل کو طالب علموں کی صحت کی بہت فکر ہے اس لیے وہ روزانہ اسمبلی میں نہ صرف بچوں کو ورزش کرواتے ہیں بلکہ خود بھی اس میں حصہ لیتے ہیں۔

ساؤتھ چائنا مارننگ کی جانب سے پوسٹ ہونے والی ویڈیو کے مطابق پرنسپل کی عمر 40 برس ہے اور وہ روزانہ اسمبلی سے قبل ورزش کا لباس پہنے اسکول پہنچ جاتے ہیں۔

ویڈیو میں دیکھا جاسکتا ہے کہ پرنسپل نے اپنے ہاتھ میں مائیک تھاما ہوا ہے اور وہ بچوں کے ساتھ خود بھی مختلف انداز اپنا رہے ہیں۔

Dancing with school principal

Bust a move – with your school principal. 🕺

Posted by South China Morning Post on Friday, January 18, 2019

انٹرنیٹ پر ویڈیو وائرل ہوئی تو مقامی میڈیا نے ژہانگ کو تلاش کیا اور اُن سے گفتگو بھی کی۔ اسکول پرنسپل کا کہنا تھا کہ ’یہ ایک چھوٹی سی کاوش ہے، میں چاہتا ہوں کلاس بریک میں طالب علم ورزش کریں تاکہ وہ جسمانی طور پر فٹ رہ سکیں‘۔

Comments

comments

یہ بھی پڑھیں