امریکا میں شہد کی مکھیوں نے پولیس اہلکار پر حملہ کردیا جس کی ویڈیو سوشل میڈیا پر وائرل ہوگئی۔
غیرملکی خبررساں ادارے کی رپورٹ کے مطابق امریکی ریاست لاس اینجلس میں شہد کی مکھیوں نے پولیس اہلکار کو ڈنک مار مار کر منہ کے بل سڑک پر گرا دیا۔
ویڈیو میں دیکھا جاسکتا ہے کہ پولیس اہلکار شہد کی مکھیوں کے حملے سے بچنے کی ناکام کوشش کررہا ہے۔
شہد کی مکھیوں کے حملے کی خبر ملتے ہی انتظامیہ حرکت میں آگئی اور علاقے کو سیل کرکے چھٹے ہٹا دیے گئے ہیں۔
A man collapses to the ground after he was attacked by a swarm of bees in Los Angeles' Encino neighborhood. MORE: https://t.co/24dIYKOE41 pic.twitter.com/rQuAkfLKDX
— FOX 11 Los Angeles (@FOXLA) May 16, 2023
نیویارک پوسٹ کے مطابق شہد کی مکھیوں نے ایک زیر تعمیر گھر میں چھتا بنا رکھا تھا جب مزدور چھتے کی جگہ پر کام کرنے پہنچے تو مکھیوں نے حملہ کیا۔
ویڈیو میں دیکھا جاسکتا ہے کہ شہد کی مکھیوں کے بار بار ڈنک مارنے پر اہلکار توازن برقرار نہ رکھ سکا اور زمین پر گر گیا۔
رپورٹ کے مطابق پولیس اہلکار کو زخمی حالت میں اسپتال منتقل کردیا گیا ہے جہاں اس کی حالت مستحکم بتائی جارہی ہے تاہم اہلکار کا نام ظاہر نہیں کیا گیا ہے۔