چیمپئنز ٹرافی میں نیوزی لینڈ کے خلاف میچ میں مایہ ناز بیٹر ویرات کوہلی نے اکشر پٹیل کے پاؤں چھو لیے۔
دبئی میں کھیلے گئے میچ میں بھارت کے 250 رنز کے جواب میں نیوزی لینڈ کی پوری ٹیم 205 رنز پر ڈھیر ہو گئی۔ تجربہ کار کین ولیمسن کی 81 رنز کی مزاحمتی اننگز بھی رائیگاں گئی۔
کپتان مچل سینٹنر 28 اور ول ینگ 22 رنز بنا سکے۔
بھارت کی جانب سے ورون چکرورتی نے اپنی گھومتی گیندوں سے بلے بازوں کو چکرا دیا۔ انہوں نے 5 کھلاڑیوں کو پویلین بھیجا۔ کلدیپ یادیو نے 2، پانڈیا، اکشرپٹیل اور جڈیجا نے ایک ایک وکٹ حاصل کی۔
بھارتی ٹیم پہلے سیمی فائنل میں منگل کو آسٹریلیا سے ٹکرائے گی۔
تاہم جیسے ہی روہت شرما کو اکشر پٹیل کو اوور دیا تو انہوں نے اہم مواقع پر کین ولیمسن کو اسٹمپڈ آؤٹ کروایا جس کے بعد وکٹ کا جشن مناتے ہوئے ویرات کوہلی نے اکشر پٹیل کے پاؤں چھوئے۔
ویرات کوہلی کے پاؤں چھونے کی ویڈیو سوشل میڈیا پر وائرل ہوگئی اور مداح بھی اس پر دلچسپ تبصرے کررہے ہیں۔
