بچوں کی کرکٹ کھیلنے کی ویڈیو اکثر سامنے آتی رہتی ہیں لیکن اب ایک ایسے بچے کی ویڈیو وائرل ہورہی ہے جو اسٹمپ سے مختلف کرکٹ شاٹس مہارت سے کھیل رہا ہے۔
سماجی رابطے کی ویب سائٹ ٹویٹر پر دی گریڈ کرکٹر نامی اکاؤنٹ سے ویڈیو شیئر کی گئی ہے جس میں بچہ ایک اسٹمپ سے کرکٹ شاٹس کھیل رہا ہے اور وکٹ کے پیچھے دو اسٹمپس نظر آرہے ہیں۔
ویڈیو میں دیکھا جاسکتا ہے کہ پیڈ پہنے بچہ بہترین فٹ ورک کے ساتھ ایک اسٹمپ کی مدد سے کور ڈرائیو کے ساتھ لیگ سائیڈ پر بھی شاٹ کھیل رہا ہے۔
اس کے علاوہ بچے کو سوئپ شاٹ کھیلتے بھی دیکھا جاسکتا ہے اور یہ سب شاٹس بچہ ایک اسٹمپ کی مدد سے کھیل رہا ہے باقی دو اسٹمپس وکٹ میں لگے دیکھے جاسکتے ہیں۔
بچے کی کرکٹ کھیلنے کی ویڈیو سوشل میڈیا پر تیزی سے وائرل ہورہی ہے اور صارفین کی جانب سے بچے کی مہارت اور تکنیک کی تعریف کی جارہی ہے۔
سوشل میڈیا صارفین نے بچے کی تعریف کرتے ہوئے کہا کہ بچے نے ہر شاٹ کھیلا ہے، کسی نے بچے کا منیجر بننے کی خواہش ظاہر کی۔
“We’ll start you in three’s and go from there mate” pic.twitter.com/iaJwtUEq0p
— The Grade Cricketer (@gradecricketer) May 8, 2021
