The news is by your side.

Advertisement

سعودی عرب کا ایک اور عالمی ریکارڈ

ریاض: سعودی عرب کے ڈی سیلینیشن پلانٹ نے سب سے کم توانائی استعمال کرنے کا گنیز ورلڈ ریکارڈ بنا لیا، نیا پلانٹ 2.27 کلو واٹ فی گھنٹہ فی کیوبک میٹر پانی سے چلتا ہے۔

سعودی ویب سائٹ کے مطابق سعودی عرب کے سلین واٹر کنورژن کارپوریشن (ایس ڈبلیو سی سی) نے دنیا میں سب سے کم توانائی استعمال کرنے والے ڈی سیلینیشن پلانٹ کے لیے گینز ورلڈ ریکارڈ قائم کیا ہے۔

نیا پلانٹ 2.27 کلو واٹ فی گھنٹہ فی کیوبک میٹر پانی سے چلتا ہے۔

ایس ڈبلیو سی سی کا کہنا ہے کہ اس کا مقصد ڈی سیلینیشن انڈسٹری میں اپنی عالمی قیادت کو مستحکم کرنا، مملکت کے وژن 2030 کے اہداف کے حصول کے لیے اپنے منصوبوں کو جاری رکھنا اور اس کے موجودہ اور آئندہ تمام ترقیاتی منصوبوں میں مقامی مواد کو قابل بنانا ہے۔

سعودی سرکاری کارپوریشن کے مطابق اس نے ڈیزائن کی جدت کو بڑھانے کے لیے اپنی انجینیئرنگ اور تحقیقی مہارت پر سرمایہ کاری کی جو کم توانائی استعمال کرتی ہے اور آپریشن اور نقل و حرکت میں زیادہ لچکدار ہے۔

اس کے قومی کیڈرز نےعالمی ریکارڈ کو حاصل کرنے میں اہم کردار ادا کیا جس نے آپریشنل کارکردگی کو بڑھایا اور 7 مہینوں کے دوران اپنے ریسرچ انسٹی ٹیوٹ کے ساتھ توانائی کی کھپت کو بے مثال سطح تک کم کرنے میں حصہ ڈالا ہے۔

نیا پلانٹ ماحول دوست ریورس اوسموسس ٹیکنالوجی کے ساتھ کام کرتا ہے جس کی سپلائی چین تیار کرنے کے لیے جدید ترین بین الاقوامی سپیسی فکیشن اور معیار کے ساتھ لاگو کیا گیا ہے۔ ایس ڈبلیو سی سی نے کہا کہ یہ آپریشنل اخراجات کو کم کرتا ہے اور منافع بخش مالی منافع حاصل کرتا ہے۔

ایس ڈبلیو سی سی نے سنہ 2019 میں ایک دن میں 5.6 ملین کیوبک میٹر پانی کی پیداوار کے ساتھ سب سے بڑے ڈی سیلینڈ واٹر پلانٹ کے لیے گینز ورلڈ ریکارڈ کا اعزاز حاصل کیا۔ اس نے ایک دن میں اپنے 5 ملین کیوبک میٹر پانی کا 2018 کا عالمی ریکارڈ بھی توڑ دیا۔

Comments

یہ بھی پڑھیں