فلوریڈا: امریکی ریاست فلوریڈا میں ایک خاتون ٹرینر نے کمال دکھاتے ہوئے ایک گلہری کو پانی میں اِسکی اِنگ کرنا سکھا دیا ہے۔
تفصیلات کے مطابق واٹر اسکیئنگ کرتی ایک گلہری کی دلکش ویڈیو سامنے آئی ہے جس میں شائقین کے ہجوم کے سامنے گلہری پانی میں متاثر کن کرتب دکھا رہی ہے۔
واٹر اسکیئنگ کرتی گلہری کی مہارت نے سب کو حیران کر دیا، معلوم ہوا ہے کہ خاتون پہلے بھی تین گِلہریوں کو ٹرین کر چکی ہیں۔ یہ کارنامہ فلوریڈا سے تعلق رکھنے والی 36 سالہ ٹونی میری ٹیڈیسکو نے اپنے شوہر چک بیسٹ جونیئر کے ساتھ مل کر انجام دیا ہے۔
یہ جوڑا گلہریوں کو واٹر اِسکی کرنے کا طریقہ سکھانے کے بعد اپنے انتہائی باصلاحیت پالتو جانوروں کے ساتھ شو منعقد کر رہا ہے، ویڈیو میں جو گلہری نظر آ رہی ہے اس کا نام ٹویگی ہے جو واٹر اسکیئنگ کرنے والی چوتھی گلہری ہے۔
خاتون کے دماغ میں سانپوں میں پایا جانے والا کیڑا دیکھ کر سرجن حیران
جوڑے کا کہنا تھا کہ انھوں نے یہ گلہریاں یا تو بچائی تھیں یا جنگل سے لے کر آئے تھے، ان کی افزائش انھوں نے نہیں کی، ان کے کہنے کا مطلب یہ تھا کہ یہ کوئی خاص نسل نہیں ہے، پہلی گلہری کو خاتون کے شوہر کے والدین نے 1978 میں اس وقت بچایا تھا جب وہ درخت سے گر کر زخمی ہو گئی تھی، اور پھر اس کی تربیت کی گئی۔
