The news is by your side.

Advertisement

بھارت نے جارحیت کی تو پوری قوم جواب دے گی، وزیراعظم آزاد کشمیر

مظفر آباد : وزیراعظم آزاد کشمیر راجہ فاروق حیدر نے لائن آف کنٹرول بھمبر کے دورے کے دوران کہا کہ بھارت نے اگر جارحیت کی حماقت کی تو پوری قوم بھی دندان شکن جواب دینے کیلئیے پاک فوج کے ساتھ ہوگی۔

ان خیالات کا اظہار انہوں نے ایک تقریب سے خطاب کرتے ہوئے کیا، وزیراعظم آزاد کشمیر راجہ فاروق حیدر خان اور وزراء نے بھمبر کے علاقے میں متاثرین لائن آف کنٹرول کی تقریب میں شرکت کی۔

راجہ فاروق حیدر خان نے تقریب سے خطاب کرتے ہوئے کہا کہ مقبوضہ کشمیر کی آزادی کی جدو جہد میں ثابت قدم رہنا ہو گا۔ بھارت اڑی کا ڈرامہ فلاپ ہونے پر خرابی پیدا کرنا چاہتا ہے۔

انہوں نے کہا کہ بھارت نے اگر جارحیت کی حماقت کی تو پوری قوم بھی دندان شکن جواب دینے کیلئیے پاک فوج کے ساتھ ہوگی۔

وزیراعظم آزاد کشمیر کا کہنا تھا کہ بھارت انتشار پیدا کرناچاہتا ہے۔ بزدل اور مکار دشمن سے عوام ہوشیار رہیں۔ مودی خودہی اپنے زخم چاٹ رہاہے۔

ستائیس اکتوبر کشمیری عوام یوم مذمت کےطور پر منائیں گئے۔ اس موقع پر وزیراطلاعات آزاد کشمیر مشتاق منہاس کا کہنا تھا کہ آج کشمیری عوام مسلح افواج پاکستان کو لائن آف کنٹرول سے خراج تحسین پیش کرتے ہیں۔

 

Comments

comments

یہ بھی پڑھیں