آرمی چیف جنرل قمر جاوید باجوہ نے کہا ہے کہ پاکستان افغانستان کیساتھ وسیع ترتعلقات کا خواہاں ہیں افغانستان میں دیرپاامن کیلئےہرممکن اقدامات کیلئےتیارہیں۔
اس موقع پر آرمی چیف نے گفتگو کرتے ہوئے کہا کہ پاکستان افغانستان کےعوام کے ساتھ کھڑا ہے افغانستان میں معاملات کےحل سےخطےمیں دیرپا امن واستحکام آئے گا۔
آرمی چیف نے کہا کہ پاکستان افغانستان کیساتھ وسیع ترتعلقات کا خواہاں ہیں افغانستان میں دیرپاامن کیلئےہرممکن اقدامات کیلئےتیارہیں۔
آئی ایس پی آر کے مطابق افغان وفدنے پاک فوج کی قربانیوں اور کامیابیوں کو سراہتے ہوئے کہا کہ پاک فوج کی افغانستان میں امن کیلئےکوششیں قابل قدر ہیں۔ افغان وفدنےمستقبل سےمتعلق تجاویزپیش کیں۔
اس سے قبل وزیراعظم عمران خان سےافغانستان کےسیاسی رہنماؤں کے وفد نے ملاقات کی جس میں افغانستان کی تازہ ترین صورتحال پر بات چیت کی گئی، وزیراعظم افغان عوام کی بھرپورحمایت اوریکجہتی کا اظہار کیا۔
وزیراعظم نےجامع سیاسی حل کومحفوظ بنانےکیلئےفریقوں کی اہمیت پر زور دیتے ہوئے کہا کہ پاکستان سےزیادہ افغانستان میں امن کاخواہشمندکوئی ملک نہیں، موجودہ صورتحال میں افغان رہنماؤں پربھاری ذمہ داری عائدہوتی ہے۔
وزیراعظم نے کہا کہ افغانستان میں امن اورترقی کی راہ پرگامزن کرنےکیلئےمل کرکام کریں محفوظ افغانستان کے لئے سیاسی تصفیہ ضروری ہے پاکستان افغان قیادت کی افغانستان کیلئےکوششوں کی حمایت جاری رکھےگا۔
