وزیراعظم عمران خان نے کہا ہے کہ پاکستان نے 2600میگاواٹ کو ہائیڈرو پروجیکٹس پرشفٹ کر دیا ہے کوشش ہے 2030 تک 60 فیصدکلین انرجی پر شفٹ ہو جائیں۔
تفصیلات کے مطابق ماحولیاتی تبدیلیوں سے متعلق اجلاس میں وزیراعظم عمران خان سمیت 35 ممالک کے سربراہان اور نمائندگان نے شرکت کی جس میں وزیراعظم نے ویڈیولنک کے ذریعے خطاب کیا۔
وزیراعظم نے ماحولیاتی تبدیلی سے نمٹنے کیلئے پاکستانی اقدامات سے آگاہ کرتے ہوئے ماحولیاتی تبدیلی سے نمٹنا حکومت پاکستان کی اولین ترجیح ہے۔
Prime Minister @ImranKhanPTI addresses the Informal Closed Meeting of Heads of State and Government on Climate Change.#UNGA #ClimateAction pic.twitter.com/h6l726O9zh
— Prime Minister's Office (@PakPMO) September 20, 2021
وزیراعظم نے10 ارب درخت اورکلین انرجی ٹارگٹ پالیسی سےآگاہ کیا۔ عمران خان نے کہا کہ پاکستان نے 2600 میگاواٹ کو ہائیڈرو پروجیکٹس پرشفٹ کر دیا ہے کوشش ہے 2030 تک60 فیصدکلین انرجی پر شفٹ ہو جائیں۔
انہوں نے کہا کہ ترقی یافتہ ممالک کوماحولیاتی تبدیلی سےمتعلق مدد کرنی چاہیے پیرس معاہدےمیں وعدوں پر مکمل عملدرآمد ہونا چاہیے ماحولیاتی تبدیلی سےنمٹنےکیلئےپاکستان مثبت کردار ادا کرےگا۔
ماحولیاتی تبدیلی سےمتعلق کانفرنس نومبرمیں گلاسگو میں ہو گی۔
