The news is by your side.

Advertisement

ہم نے راولپنڈی آنے کا فیصلہ کر لیا ہے، بلاول بھٹو

راولپنڈی: چیئرمین پیپلزپارٹی بلاول بھٹو زرداری نے کہا ہے کہ ہم نے فیصلہ کرلیا ہے کہ راولپنڈی میں پھر آرہے ہیں، شہید محترمہ نےجہاں آخری تقریر کی تھی ہم وہاں آرہے ہیں۔

راولپنڈی میں جلسہ عام سے خطاب کرتے ہوئے بلاول بھٹو زرداری نے کہا کہ پیپلزپارٹی کی تیسری نسل بھی لیاقت باغ راولپنڈی آرہی ہے،2007میں کہا تھا جمہوریت ہمارا انتقام ہے،آج یہ خطرےمیں ہے، اسلام ہمارا دین، جمہوریت ہماری سیاست، مساوات اور طاقت کا سرچشمہ عوام ہیں، انشااللہ لیاقت باغ میں کھڑے ہوکرپوری دنیا کو پیغام دیں گے۔

انہوں نے کہا کہ سلیکٹڈ20سال چیختارہاایمنسٹی چوروں کےلئےہوتی ہے مگر آج ایمنسٹی کسانوں کیلئے،بڑے بڑے بزنس مینوں کیلئے ہے، پیپلزپارٹی نےآئی ایم ایف سےمعاہدے کئےلیکن عوام کیلئےکئے، آصف زرداری نے پنشنزمیں100،تنخواہوں میں150فیصد اضافہ کیاتھا اور پیپلزپارٹی حکومت میں پاک فوج کی تنخواہوں میں175اضافہ کیاگیا۔

چیئرمین پیپلزپارٹی نے کہا کہ حکومت سمجھتی ہےپی پی جیالوں کو ڈراسکتی ہے،یہ ان کی بھول ہے، عوامی حکومت کوعوام کا اورسلیکٹڈ کو صرف سلیکٹرزکاساتھ دیناپڑتاہے یہ سمجھتے ہیں ظلم کر کے پیپلزپارٹی کی زبان بندکرسکتےہیں، ان کی یہ غلط فہمی ہے یہ بھٹو کےنواسے اور محترمہ کےبیٹےکودھمکاسکتی ہے، یہ کٹھ پتلی جیالوں کیلئےکوئی چیز نہیں،یہ ان کی غلط فہمی ہے، پیپلزپارٹی نے ضیا اورمشرف کی آمریت کامقابلہ کیا۔

Comments

comments

یہ بھی پڑھیں