اسلام آباد: وزیر اعظم عمران خان نے کہا ہے کہ سردیوں میں ہونے والی حالیہ بارشوں پر اللہ کا شکر گزار ہونا چاہیے، رواں سال پاکستان گندم کی ریکارڈ پیداوار کرے گا۔
سماجی رابطے کی ویب سائٹ پر عمران خان نے ٹویٹ کیا اور کہا کہ ’سردیوں کے موسم میں ہونے والی حالیہ بارشوں پر پوری قوم کو اللہ کا شکر گزار ہونا چاہیے کیونکہ ان کی وجہ سے آبی ذخائر بڑھیں گے اور یہ ملکی معیشت میں بھی اہم کردار ادا کریں گی‘۔
وزیر اعظم کا کہنا تھا کہ ’بارشوں کی وجہ سے پاکستان میں گلیشیئرز بڑھیں گے اورفضائی آلودگی بھی کم ہوگی، پانی کی وافر مقدار سے ہم انشااللہ رواں سال گندم کی ریکارڈ پیداوار حاصل کریں گے‘۔
We should all thank Allah almighty for the continuing winter rains that are worth billions to the economy apart from replenishing our water table and glaciers plus countering air pollution. InshaAllah we will have a bumper wheat crop this year.
— Imran Khan (@ImranKhanPTI) February 14, 2019
دوسری جانب حب ڈیم کیچمنٹ ایریا میں بارشیں ہوئیں جس کے باعث ڈیم کی سطح میں 2 فٹ کا اضافہ ہوا، حب ڈیم کی سطح بلند ہونے سے یونیہ 15 سے 16 ملین گیلن پانی کی فراہمی کا آغاز ہوگیا۔
ترجمان واٹر بورڈ کراچی کے مطابق ایم ڈی واٹر بورڈ کی ہدایت پر واسا حکام کو مکتوب ارسال کردیا گیا جس میں پانی کی وصولی کا عندیہ دیا گیا ہے، کل سے شہر کو 15 سے 16 ملین گیلن فراہمی شروع کی جائے گی۔
