The news is by your side.

Advertisement

ہم دنیا کے ساتھ اچھے تعلقات چاہتے ہیں، افغان وزیرخارجہ

کابل : افغان وزیر خارجہ امیر خان متقی نے واضح پیغام دیتے ہوئے کہا کہ ہم دنیا کے ساتھ اچھے تعلقات چاہتے ہیں لیکن کوئی سیاسی انتشار پھیلانے کی کوشش کرے گا تو وہ تنہا رہ جائے گا۔

افغانستان کے وزیر خارجہ امیر خان متقی کا پڑوسی ممالک کو یقین دہانی کرائی کہ افغان سرزمین کسی کے خلاف استعمال نہیں ہوگی کیوں کہ پُرامن ارو مستحکم افغانستان نہ صرف خطے بلکہ دنیا کےلیے بھی ضروری ہے۔

امیر خان متقی نے ماضی کو یاد کرتے ہوئے کہا کہ ہم نہیں چاہتے کہ گزشتہ بیس سال کے ناکام تجربے کو پھر دہرایا جائے، ہم دنیا سے اچھے تعلقات چاہتے ہیں۔

افغان وزیر خارجہ کا کہنا تھا کہ دنیا سے کہتے ہیں افغانستان میں مضبوط نظام کا سب کو فائدہ ہوگا کیوں کہ کوئی دوستی کےلیے ایک قدم بڑھائے تو افغان قوم دو قدم بڑھاتی ہے لیکن اگر کوئی دشمنی کرنا چاہے تو پھر ہماری تاریخ دیکھ لیں۔

Comments

یہ بھی پڑھیں