کراچی: محکمہ موسمیات نے کہا ہے کہ آج بدھ کو ملک کے بیش تر علاقوں میں موسم سرد رہے گا۔
محکمہ موسمیات کے مطابق ملک کے بیش تر علاقوں میں موسم سرد اور خشک جب کہ بالائی علاقوں میں شدید سرد رہے گا، تاہم شمال مشرقی بلوچستان اور گلگت بلتستان میں چند مقامات پر تیز ہواؤں اور گرج چمک کے ساتھ بارش اور پہاڑوں پر برفباری کا امکان ہے۔
بالائی پنجاب میں شام اور رات کے دوران سرد ہوائیں چلنے کا امکان ہے، پنجاب کے بعض میدانی علاقوں میں صبح کے اوقات میں ہلکی دھند پڑنے کا امکان ہے، خیبر پختون خوا کے بیش تر اضلاع میں موسم سرد اور خشک جب کہ بالائی اضلاع میں شدید سرد رہے گا۔
ڈی آئی خان، بنوں، مالا کنڈ، وزیرستان، چترال، سوات میں تیز ہواؤں اور گرج چمک کے ساتھ بارش اور پہاڑوں پر برفباری کا امکان ہے، پنجاب کے بیش تر اضلاع میں موسم سرد اور خشک رہے گا، مری، گلیات اور گرد و نواح میں موسم شدید سرد رہے گا۔
بالائی پنجاب میں شام اور رات کے دوران سرد ہوائیں چلنے کا امکان ہے، صبح کے اوقات میں سیالکوٹ، نارووال، لاہور، قصور، ساہیوال، گوجرانوالہ، جہلم، فیصل آباد، جھنگ اور بہاولپور میں چند مقامات پر ہلکی دھند پڑنے کا امکان ہے۔
بلوچستان کے بیش تر اضلاع میں موسم سرد اور خشک رہے گا، کوئٹہ، زیارت، ژوب، کوہلو، سبی، بارکھان، مسلم باغ، موسیٰ خیل، شیرانی، قلعہ سیف اللہ، قلات، خضدار اور گرد و نواح میں چند مقامات پر تیز ہواؤں اور گرج چمک کے ساتھ بارش اور پہاڑوں پر برفباری کا امکان ہے۔
سندھ کے بیش تر اضلاع، اور کشمیر میں موسم سرد اور خشک رہے گا، تاہم گلگت بلتستان میں چند مقامات پر تیز ہواؤں اور گرج چمک کے ساتھ بارش اور پہاڑوں پر برفباری کا امکان ہے۔
