اس ہفتے موسم کیسا رہے گا؟ محکمہ موسمیات نے پیش گوئی کردی

محکمہ موسمیات نے آئندہ 4 سے 5 روز کے دوران ملک میں شدید گرمی کی لہر کی پیشگوئی کر دی۔

محکمہ موسمیات کے مطابق آج سے 24 جون تک گرمی کی شدت میں اضافہ ہوگا، سندھ ،جنوبی پنجاب اور بلوچستان میں درجہ حرارت دو سے چار ڈگری سینٹی گریڈ معمول سے زیادہ رہنے کا امکان ہے۔

محکمہ موسمیات کا کہنا ہے کہ بالائی اور وسطی پنجاب، اسلام آباد، بالائی خیبر پختونخوا، گلگت بلتستان اور کشمیر میں درجہ حرارت چار سے چھ ڈگری سینٹی گریڈ تک بڑھ سکتا ہے۔

اس کے علاوہ محکمہ موسمیات نے آئندہ چوبیس گھنٹے کے دوران کراچی، کوئٹہ، پشاور سمیت ملک کے بیشتر علاقوں میں موسم خشک اور شدید گرم رہنے کی پیشگوئی کی ہے۔

شہریوں کو گرمی سے بچاؤ کی احتیاطی تدابیر اختیار کرنے اور کسانوں کو فصلوں کو پانی دینے کے مناسب اقدامات کی ہدایت کی گئی ہے۔

Comments