کراچی: محکمہ موسمیات نے بتایا ہے کہ آج کراچی کا موسم گرم اور مرطوب رہے گا، شام میں ہوائیں چلنے کا امکان ہے۔
محکمہ موسمیات کے مطابق شہر قائد کا درجہ حرارت زیادہ سے زیادہ 40 ڈگری سینٹی گریڈ ریکارڈ کیا گیا ہے۔
محکمہ موسمیات کا کہنا ہے کہ صبح کے اوقات ہوا میں نمی کا تناسب 75 فیصد ریکارڈ کیا گیا تاہم شام کے اوقات میں ہوا میں نمی کا تناسب 45 فیصد تک رہے گا۔
- Advertisement -
محکمہ موسمیات کا مزید کہنا تھا کہ شہر میں جنوب مغرب سے ہوائیں چل رہی ہیں۔
ڈائریکٹر محکمہ موسمیات سردار سرفراز نے اے آر وائی نیوز کے پروگرام ’’باخبر سویرا‘‘ میں گفتگو کرتے ہوئے کہا تھا کہ مئی اور جون گرم ترین مہینے ہوتے ہیں۔ آئندہ دو ہفتوں کے دران ملک بھر میں گرمی کا راج رہے گا اور کئی شہروں میں شدید گرمی پڑنے کا امکان ہے۔
