محکمہ موسمیات نے کہا ہے کہ آج جمعرات کو بلوچستان، کے پی، جنوبی پنجاب اور بالائی سندھ میں جھکڑ چلنے، گرج چمک سے بارش کا امکان ہے، گلگت بلتستان اور کشمیر اور ملحقہ پہاڑی علاقوں میں مطلع جزوی ابر آلود رہے گا، تاہم چند مقامات پر گرج چمک کے ساتھ بارش کی توقع ہے۔
تفصیلات کے مطابق خیبر، پشاور، چارسدہ، نوشہرہ، صوابی، مردان، چترال میں گرج چمک سے بارش کا امکان ہے جب کہ ڈی آئی خان، لکی مروت، بنوں، کوہاٹ، باجوڑ، مہمند، کرک، کرم ، وزیرستان، دیر، سوات، ایبٹ آباد، مانسہرہ، ہری پور، کوہستان، شانگلہ، بونیر اور مالاکنڈ میں بھی بارش کا امکان ہے۔
اسلام آباد اور گرد و نواح میں مطلع جزوی ابر آلود رہے گا، پنجاب کے بیش تر اضلاع میں موسم خشک رہے گا، مری، گلیات میں شام یا رات میں گرج چمک سے بارش اور بوندا باندی ہو سکتی ہے، ڈی جی خان، راجن پور، بھکر، لیہ، ملتان، کوٹ ادو، مظفر گڑھ، رحیم یار خان، صادق آباد، خان پور، بہاولپور اور بہاولنگر میں چند مقامات پر بارش کا امکان ہے۔
کراچی کا موسم آج کیسا رہے گا؟
کوئٹہ، زیارت، شیرانی اورموسیٰ خیل میں جھکڑ چلنے اور گرج چمک سے بارش کا امکان ہے، نوشکی، پشین، ہرنائی، ژوب، بارکھان، گوادر، تربت، کیچ، آواران، چاغی، خاران، قلات، مستونگ، جھل مگسی، نصیر آباد، سبی، کوہلو، ڈیرہ بگٹی، لورالائی، قلعہ سیف اللہ، قلعہ عبداللہ میں بارش کا امکان ہے۔
سندھ کے بیش تر اضلاع میں مطلع جزوی ابر آلود رہے گا، تاہم سکھر، جیکب آباد، کشمور، لاڑکانہ، دادو، قمبر شہداد کوٹ اور جامشورو میں بارش کا امکان ہے۔ کشمیر اور جی بی میں مطلع جزوی ابر آلود رہنے کے علاوہ چند مقامات پر گرج چمک سے بارش کا امکان ہے۔
