The news is by your side.

Advertisement

عید الاضحیٰ، افغان حکومت اور طالبان میں 3 دن جنگ بندی، امریکا کا خیر مقدم

کابل: افغان حکومت اور طالبان عیدالاضحیٰ کے دوران 3 دن کی جنگ بندی پر رضامند ہو گئے ہیں، امریکا نے سیز فائر کا خیر مقدم کیا۔

تفصیلات کے مطابق طالبان اور افغان حکوت کے درمیان عید قرباں کے دوران تین دن کی جنگ بندی ہو گئی ہے، امریکی نمائندہ خصوصی زلمے خلیل زاد نے فریقین کے درمیان سیز فائر کا خیر مقدم کیا۔

جنگ پر رضا مندی کے بعد افغان صدر اشرف غنی نے اپنے بیان میں کہا کہ امید ہے ایک ہفتے میں طالبان سے براہ راست بات چیت کا آغاز کریں گے، طالبان مذاکرات کی میز پر آئیں اور فوری مستقل اور مربوط جنگ بندی طے کریں۔

ادھر امریکی نمائندہ خصوصی نے طالبان اور افغان حکومت میں جنگ بندی کے اعلان کا خیر مقدم کیا ہے، زلمے خلیل زاد نے اپنے بیان میں کہا کہ امید ہے اس عید پر پائیدار امن کی جانب ایک قدم اور بڑھیں گے، اور عید تمام افغانوں کو ساتھ ملائے گی۔

عیدالاضحیٰ کی آمد: افغان‌ طالبان نے بڑا اعلان کردیا

زلمے خلیل زاد کا کہنا تھا ہم توقع کرتے ہیں کہ ایک دوسرے کے لیے عزت اور سمجھنے کی صلاحیت بڑھے گی، افغان عوام کو عید پر پُر امن تعطیلات کی مبارک باد دیتا ہوں، عید بھائی چارے اور صدقے کا نام ہے۔

دریں اثنا، امریکی نمائندہ خصوصی زلمے خلیل زاد نے افغان عوام کو عید کی مبارک باد بھی دی۔

یاد رہے کہ گزشتہ روز ایک ٹویٹ میں افغان طالبان کے ترجمان ذبیح اللہ مجاہد نے تصدیق کی تھی کہ عید الاضحیٰ کے موقع پر ملک کے کسی بھی علاقے میں طالبان کی جانب سے کوئی کارروائی نہیں کی جائے گی۔

Comments

یہ بھی پڑھیں