ریاض: سعودی عرب میں کرونا وائرس سے بچاؤ کی ویکسی نیشن کا عمل جاری ہے، اس مہم کے دوران شہریوں کی جانب سے ویکسین سے متعلق مختلف سوالات کئے جارہے ہیں۔
سعودی عرب میں گذشتہ سال سترہ دسمبر کو کرونا ویکسی نیشن کا آغاز ہوا تھا، ویکسین لگوانے والے افراد کے لئے ضروری ہے کہ وہ ان کے پاس کارآمد قومی شناختی کارڈ اور تارکین وطن کے پاس کارآمد اقامے ہوں۔
ویکسینیشن سے متعلق سعودی حکومت نے وزارت صحت کے ماتحت ایک سماجی پلیٹ فارم شہریوں کو مہیا کیا ہے جو ویکسی نیشن سے متعلق اپنے سوالات متعلقہ اتھارٹی سے پوچھتے ہیں اور انہیں تسلی بخش جوابات دئیے جاتے ہیں۔
سبق ویب سائٹ کے مطابق ایک شخص نے ٹوئٹر پر وزارت صحت سے سوال کیا ہے کہ "ویکسین لگوانے کے لیے کم سے کم عمر کیا ہے۔”
وزارت صحت نے جواب دیا کہ فائزر کمپنی کی ویکسین کے لیے کم سے کم عمر 16 سال ہے جبکہ آسٹرازینکا کے لیے مناسب عمر 18 سال سمجھی جاتی ہے، وزارت نے اپنے جواب میں کہا کہ سعودی عرب میں استعمال کی جانے والی ویکسین انتہائی فعال، مفید اور محفوظ ہے جسے تجربات کے بعد منظور کیا گیا ہے۔
یہ بھی پڑھیں: سعودی کابینہ کی جانب سے اہم فیصلوں کی منظوری
اپنے بیان میں وزارت صحت نے کہا ہے کہ سعودی عرب میں فائزر اور آسٹرازینکا ویکسین شہریوں اور مملکت میں مقیم غیر ملکیوں کے لیے بلکل مفت ہے، وزارت نے تمام شہریوں اور غیر ملکیوں سے اپیل کی کہ وہ ویکسین لگوانے کے لیے صحتی ایپ میں اپنا اندراج کروائیں۔
