کراچی: واٹس ایپ نے صارفین کے لیے ایک اور نیا فیچر متعارف کروانے کا فیصلہ کیا ہے جس کو استعمال کرنے والے آن لائن رقم کی ترسیل کرسکیں گے۔
تفصیلات کے مطابق سوا ارب صارفین کے لیے موبائل فون کی معروف میسجنگ موبائل ایپ واٹس جلد اپنی ایپ میں ایسا فیچر شامل کرے گا جس کے ذریعے دوستوں کو آن لائن رقم بھیجنا ممکن ہوگا۔
واٹس ایپ نے اس فیچر کی تیاری کا آغاز کردیا ہے اور یہ یو پی آئی (یونیفائیڈ پیمنٹ انٹر فیس) کے ساتھ مل کر پیش کیا جارہا ہے۔ معروف موبائل ایپ انتظامیہ سے اس مقصد کے لیے ویب سائٹ پر ملازمت کا اشتہار بھی جاری کیا ہے۔اشتہار میں کہا گیا ہے کہ یو پی آئی کی سمجھ رکھنے والے افراد ملازمت کے اہل ہیں اور وہ نوکری کے لیے درخواست جمع کرواسکتے ہیں۔
پڑھیں: ’’ آٹھویں سالگرہ پر واٹس ایپ کا صارفین کے لیے نیا فیچر ‘‘
کمپنی انتظامیہ کے مطابق یہ سروس ابتدائی مراحل میں بھارت میں متعارف کی جائے گی جس کے بعد اسے دیگر ممالک تک وسیع کیا جائے گا۔ واٹس ایپ کا اس فیچر رواں سال سامنے لایا جائے گا۔
مزید پڑھیں: ’’ واٹس ایپ اکاؤنٹ محفوظ بنانے کے لیے نیا فیچر ‘‘
واضح رہے فیس بک نے آن لائن رقم ادائیگی کا فیچر دنیا کے مختلف ممالک میں متعارف کروادیا ہے تاہم یہ ابھی تک پاکستان میں دستیاب نہیں، یہ بھی یاد رہے کہ فیس بک کے پاس واٹس ایپ کی ملکیت ہے۔
یہ بھی پڑھیں: ’’ واٹس ایپ کا لائیو لوکیشن ٹریکنگ فیچر متعارف ‘‘
ٹیکنالوجی کی دنیا میں اپنا سکہ براجمان رکھنے کے لیے واٹس ایپ کی جانب سے مختلف تجربات کیے جاتے رہے ہیں، حال ہی میں واٹس ایپ کی جانب سے اسٹیٹس فیچر ، لوکیشن سمیت دیگر فیچرز متعارف کروائے گئے۔
