پیغام رسانی کے لیے استعمال ہونے والی سب سے مقبول ایپلی کیشن واٹس ایپ نے کالنگ تجربے کو بہتر بنانے کے لیے نئے طریقے کا اعلان کردیا۔
واٹس ایپ اور فیس بک کے سربراہ ول کیتھ کارٹ نے سماجی رابطے کی ویب سائٹ ٹویٹر پر اپنے پیغام میں صارفین کو واٹس ایپ کالنگ کے تجربے کو مزید بہتر بنانے سے متعلق آگاہ کیا۔
More great improvements to the @WhatsApp calling experience. Joinable calls + group chats = A new spontaneous way to hang out with family and friends. https://t.co/T8HYEEXPlA
— Will Cathcart (@wcathcart) October 18, 2021
واٹس ایپ کی جانب سے شیئر کی گئی ویڈیو میں دیکھا جاسکتا ہے کہ کوئی بھی گروپ ممبر اس نئے طریقے کے ذریعے کسی بھی گروپ پر ہونے والی کال کو اب خود سے کسی بھی وقت جوائن کرسکتا ہے۔
ویڈیو میں دیکھا جاسکتا ہے کہ اگر کوئی صارف گروپ کال میں شامل ہونا چاہتا ہے یا چھوڑنا چاہتا ہے تو اپنی گروپ چیٹس سے با آسانی سے ایسا کر سکتا ہے۔
