واٹس ایپ کے ڈیلیٹ شدہ پیغام کیسے پڑھے جاسکتے ہیں؟ -
The news is by your side.

Advertisement

واٹس ایپ کے ڈیلیٹ شدہ پیغام کیسے پڑھے جاسکتے ہیں؟

واٹس ایپ نے اپنے ایک ارب سے زائد صارفین کی مشکل کو آسان کرنے کے لیے گذشتہ سال تمام افراد اور گروپس سے پیغام حذف کرنے کی سہولت دی تھی جو کارگر ثابت نہیں ہورہی۔

تفصیلات کے مطابق واٹس ایپ کی جانب سے گذشتہ سال صارفین کے لیے نئی خصوصیت متعارف کروائی گئی جس کے ذریعے صارف غلطی سے بھیجے گئے پیغامات کو سب کے پاس سے ڈیلیٹ کرسکتا ہے، لیکن یہ خصوصیت بے اثر ثابت ہورہی ہے۔

میڈیا رپورٹ کے مطابق واٹس ایپ کے اس نئی خصوصیت کے بے اثر ہونے کی وجہ یہ بتائی گئی ہے کہ واٹس ایپ پر صارف کی جانب سے بھیجے گئے پیغام کا اگر کی کسی دوسرے صارف نے حوالہ دیا ہے تو اس پیغام کو واٹس ایپ سے حذف کرنے کے باوجود بھی اس پیغام کو دیکھا اور پڑھاجاسکتا ہے۔

گذشتہ سال واٹس ایپ نے ایک اپنے ایک ارب سے زائد صارفین کو یہ سہولت دی تھی کہ کسی بھی قسم کا پیغام کسی غلط شخص یا گروپ میں چلا جائے تو اسے تمام لوگوں کے پاس سے ڈیلیٹ کیا جاسکتا ہے۔

لیکن واٹس ایپ پر بھیجے جانے والے غلط پیغامات کو صرف سات منٹ کے اندر اندر ہی حذف کیا جاسکتا ہے، سات منٹ بعد یہ خصوصیت کام نہیں کرتی۔

البتہ اگر واٹس ایپ پر بھیجے گئے پیغام کو وصول کنندہ نے حوالے طور پر استعمال کیا ہے ‘ جسے ’’ْQoute‘ کہاجاتا ہے اور بھیجنے والے نے اپنا پیغام کو ڈیلیٹ کردیا ہے ‘ تب بھی جس شخص یا گروپ کو پیغام بھیجا گیا ہے ان افراد کے واٹس ایپ پر ڈیلیٹ ہونے کے باوجودوہ پیغام دیکھا جاسکتا ہے۔

دلچسپی کی بات یہ کہ واٹس ایپ نے اس بات ذکر ہی نہیں کیا کہ جن پیغامات کا حوالہ دیا گیا ہو ان پیغامات کو کس طرح ڈیلیٹ کیا جاسکتا ہے۔ رپورٹس میں محققین نے یہ دعویٰ کیا ہے کہ واٹس ایپ پر ڈیلیٹ کیے جانے والے پیغامات کو اینڈرائیڈ نوٹی فکیشن ہسٹری سے دوبارہ دریافت کیا جاسکتا ہے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہچانے کےلیے سوشل میڈیا پرشیئر کریں

Comments

comments

یہ بھی پڑھیں