سان فرانسسکو: سیکیورٹی محقق ڈیووالکر نے دعویٰ کیا ہے کہ واٹس ایپ کی ملکیت رکھنے والے مارک زکربرگ حریف سمجھی جانی والی میسجنگ ایپ ‘سگنل’ کا خود بھی استعمال کرتے ہیں۔
تفصیلات کے مطابق واٹس ایپ کی متنازع پالیسی کے بعد سنگل ایپ متبادل کے طور پر ابھری اور مختلف ڈاؤن لوڈنگ پلیٹ فارمز پر صارفین کی تعداد میں ریکارڈ اضافہ دیکھا گیا۔ اب یہ دعویٰ کیا جارہا ہے کہ فیس بک اور واٹس ایپ کے مالک مخالف ترین ایپلی کیشن کا خود بھی استعمال کرتے ہیں۔
ڈیووالکر نے یہ دعویٰ لیک ہونے والے ڈیٹا کی بنیاد پر کیا جس میں مارک زکربرگ کے سنگل ایپ چلانے کا اسکرین شاٹ شامل ہے۔ سیکیورٹی محقق نے سماجی رابطے کی ویب سائٹ ٹوئٹر پر اسکرین بھی پوسٹ کردی۔
In another turn of events, Mark Zuckerberg also respects his own privacy, by using a chat app that has end-to-end encryption and isn't owned by @facebook
This is the number associated with his account from the recent facebook leak. https://t.co/AXbXrF4ZxE
— Dave Walker (@Daviey) April 4, 2021
امکان ظاہر کیا جارہا ہے کہ مارک زکربرگ مخالف ایپ کو چیک کرنے کے لیے استعمال کررہے ہوں لیکن یہ بھی باتیں کی جارہی ہیں کہ سنگل محفوظ پلیٹ فارم ہونے کی وجہ سے فیس بک کے بانی کے زیر استعمال رہا۔ ڈیو والکر نے یہ بھی بتایا کہ مارک زکربرگ کا مبینہ اکاؤنٹ 5 اپریل سے بند ہے۔
فیس بک کے 53 کروڑ صارفین کا ڈیٹا لیک، کہیں آپ کا نمبر تو شامل نہیں؟ تصدیق کریں
ان کا مزید کہنا تھا کہ مارک زکربرگ مظاہر ٹیلی گرام پر نہیں ہیں۔ اس انکشاف کے بعد سگنل نے بھی مارک زکربرگ کو طنز کا نشانہ بنایا اور کہا واٹس ایپ کے ٹرمز آف سروس قبول کرنے کی 15 مئی کی ڈیڈلائن قریب آگی ہے، تو مارک زکربرگ مثال قائم کرنے میں سبقت لے گئے ہیں۔
With the May 15th WhatsApp Terms of Service acceptance deadline fast approaching, Mark leads by example:https://t.co/Mt5YksaAxL
— Signal (@signalapp) April 6, 2021
مذکورہ بالا صورت حال پر فیس بک کی جانب سے تصدیق یا تردید سامنے نہیں آئی۔
