The news is by your side.

Advertisement

31 دسمبر کے بعد مخصوص موبائل پر واٹس ایپ بند ہوجائے گا

سان فرانسسکو: پیغام رسانی کی سب سے بڑی موبائل ایپلیکیشن واٹس ایپ نے یکم جنوری سے مخصوص سیٹ پر سروس فراہم نہ کرنے کا اعلان کردیا۔

تفصیلات کے مطابق واٹس ایپ کے دنیا بھر میں صارفین کی تعداد ڈیڑھ ارب سے تجاوز کرچکی مگر کمپنی نے اعلان کیا کہ 31 دسمبر کی رات 12 بجے تک مخصوص موبائل سیٹ پر سروس فراہم کی جائے گی اور یکم جنوری سے سروس قابل استعمال نہیں‌ ہوگی۔

واٹس ایپ کی جانب سے جاری ہونے والے بلاگ میں بتایا گیا ہے کہ ونڈوز فون پر اکتیس دسمبر تک سپورٹ فراہم کی جارہی ہے جس کے بعد یہ ختم ہوجائے گی۔

ونڈوز فونز کے صارفین یکم جنوری سے اپلیکشن میں بگز فکسز، اپ ڈیٹس اور نئے فیچرز حاصل نہیں کرسکیں گے جبکہ بیشتر موبائل ایسے بھی ہوں گے جن میں ایپلیکشن کام کرنا مکمل بند کردے گی۔

مزید پڑھیں: یو اے ای میں بعض موبائل پر واٹس ایپ بند ہو جائے گی

واٹس ایپ کے مطابق یکم فروری 2020 سے آئی او ایس 8 آپریٹنگ سسٹم پر بھی سروس دستیاب نہیں ہوگی البتہ اگر صارف نیا ورژن اپ ڈیٹ کرلیں گے تو وہ استعمال کرسکیں گے۔

کمپنی کی جانب سے جاری اعلامیے میں یہ بھی بتایا گیا کہ اینڈرائیڈ کے ورژن 2.3.7 اور پرانے سسٹم پر بھی واٹس ایپ اکاؤنٹ نہیں بنایا جاسکے گا اور نہ ہی اکاؤنٹ کی تصدیق ہوگی۔

خیال رہے واٹس ایپ کو 138 ممالک میں زیر استعمال ہے اور اسے سماجی رابطے کی صف اول کی موبائل ایپلیکیشن سمجھا جاتا ہے۔ واٹس ایپ کے ذریعے نہ صرف تحریری پیغامات بلکہ آڈیو اور ویڈیو کالز کی سہولت بھی ہے جس کے ذریعے تصاویر، آڈیو اور ویڈیو کے ساتھ ساتھ مختلف فائلز بھی بھیجی جا سکتی ہیں۔

Comments

comments

یہ بھی پڑھیں