واٹس ایپ اب جن فونز پر نہیں چلے گا، کمپنی نے ان فونز کی فہرست جاری کر دی ہے۔
تفصیلات کے مطابق دنیا کی مقبول ترین میسیجنگ ایپلی کیشن واٹس ایپ نے متعدد پرانے آپریٹنگ سسٹم پر چلنے والے موبائل فونز پر 24 اکتوبر سے سپورٹ ختم کر دی ہے۔
واٹس ایپ استعمال کرنے والے صارفین کو اب میسیجنگ ایپلی کیشن چلانے کے لیے اپنے آپریٹنگ سسٹمز کو اَپ ڈیٹ کرنا پڑے گا۔
جن موبائل فونز پر اب واٹس ایپ نہیں چلے گا ان میں ایپل کے آئی او ایس 10 اور 11 کے آپریٹنگ سسٹم اور اینڈرائڈ 4.1 کے آپریٹنگ سسٹم پر چلنے والے موبائلز سمیت کے آئی او ایس کے 0۔5۔2 آپریٹنگ سسٹم پر چلنے والے موبائل شامل ہیں۔
آئی فون 5 اور فائیو سی پرو سمیت آئی فون 6 کے چھوٹے سیٹس پر بھی واٹس ایپ نہیں چل سکے گا۔
سام سنگ سمیت دیگر کمپنیوں کے اینڈرائڈ کے بہت ہی پرانے ورژن 4.1 کے آپریٹنگ سسٹم پر چلنے والے فونز پر بھی واٹس ایپ نہیں چل سکے گا۔
24 اکتوبر کے بعد آئی او ایس کے 0۔5۔2 آپریٹنگ سسٹم پر چلنے والے جیو فون اور جیو فون ٹو پر بھی واٹس ایپ نہیں چل سکے گا۔
واضح رہے کہ واٹس ایپ کی جانب سے حالیہ پرانے آپریٹنگ سسٹمز پر ایپلی کیشن کی سپورٹ ختم کیے جانے سے قبل بھی اس نے متعدد موبائلز پر سپورٹ ختم کی تھی۔ کمپنی نے کہا ہے کہ پرانے موبائل فونز صارفین کو اپنے آپریٹنگ سسٹمز کو اپ گریڈ کرنا پڑے گا۔
