تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

واٹس ایپ ویڈیو آپ کا فون 10 سیکنڈز میں ہیک کر سکتی ہے؟

نائجیریا میں سوشل میڈیا پر شیئر ہونے والی متعدد پوسٹس میں دکھائی گئی ایک ویڈیو سے متعلق یہ دعویٰ کیا گیا ہے کہ اگر اسے آپ نے کھولا تو یہ دس سیکنڈز کے اندر اندر آپ کے موبائل فون کو ہیک کر لے گی، ویڈیو ارجنٹینا کے کرونا وبا کو ختم کرنے سے متعلق تھی۔

یہ درست نہیں ہے: نائجیریا کی ریاستی ٹیکنالوجی ایجنسی کا کہنا ہے کہ یہ جھوٹے پیغامات (فیک میسجز) کا حصہ ہے جو واٹس ایپ پر گردش کر رہے ہیں، جن کا مقصد خوف پھیلانا ہے۔

فرانسیسی خبر رساں ایجنسی کے فیکٹ چیک عملے کو یہ میسج متعدد بار موصول ہو چکا ہے، جن میں ویڈیو سے جڑا ہوا کوئی لنک نہیں تھا، اس کے ایک ورژن میں دعویٰ کیا گیا تھا کہ امریکی نیوز چینل سی این این نے یہ ویڈیو رپورٹ کی ہے کہ اگر آپ نے ویڈیو کھولی تو آپ کا فون ہیک ہو جائے گا۔

ویڈیو سے متعلق پیغام میں یہ کہا گیا کہ واٹس ایپ پر یہ ویڈیو گردش کر رہی ہے جو ارجنٹینا کے کرونا وبا کو ختم کرنے سے متعلق ہے، فائل کا نام ہے ‘یہ ارجنٹینا کر رہا ہے’ اسے مت کھولیں ورنہ یہ دس سیکنڈز میں آپ کے موبائل کو ہیک کر دے گی اور اسے کسی بھی طرح سے روکا نہیں جا سکتا، یہ پیغام اپنے دوست احباب کو بھی بھیجیں، یہ ویڈیو سی این این پر رپورٹ ہوئی ہے۔

تھا جس کا انتظار آگیا وہ فیچر، واٹس ایپ نے صارفین کو بڑی سہولت دے دی

فیس بک پر اسی طرح کا ایک میسج پھیلایا جا رہا ہے، جہاں یہ سو مرتبہ سے زیاد شیئر کیا گیا، اسے جنوبی افریقہ اور امریکا میں بھی شیئر کیا گیا۔

نائجیریا کے ٹیکنالوجی کے ماہرین نے تصدیق کی ہے کہ یہ سراسر جھوٹ ہے۔

نائجیریا کی نیشنل انفارمیشن ٹیکنالوجی ڈیولپمنٹ ایجنسی (NITDA) نے ایک بیان جاری کرتے ہوئے کہا کہ یہ پیغام دھوکے پر مبنی ہے، اور یہ جعلی ہے۔

NITDA کا کہنا تھا کہ وفاقی حکومت ملک میں کرونا وائرس کی وبا کو فیک نیوز پھیلا کر روکنے کی کوشش نہیں کر رہی ہے، اس سلسلے میں شہریوں کو چاہیے کہ وہ حکومت کی حقیقی کوششوں کے ساتھ تعاون کریں۔

یہ ویڈیو سی این این نے رپورٹ نہیں کی

فرانسیسی خبر رساں ایجنسی کے فیکٹ چیک نے سی این این کی ویب سائٹ پر متعدد جدید گوگل سرچز چلا کر دیکھا اور واٹس ایپ ویڈیو ہیکس کی کوئی رپورٹ نہیں ملی۔ تاہم یہ ضرور انکشاف ہوا کہ اسی طرح کا ایک میسج 2017 میں بھی پھیلایا گیا تھا جس میں کہا گیا تھا کہ واٹس ایپ کی ایک ویڈیو آئی ہے جس پر لکھا گیا ہے کہ اسے ہرگز نہ کھولیں ورنہ یہ دس سیکنڈز میں آپ کے فون کو ہیک کر دے گی اور اسے کسی بھی طرح سے روکا نہیں جا سکتا، یہ پیغام اپنے احباب کو بھی بھیجیں۔

Comments

- Advertisement -