پاکستان شوبز انڈسٹری کی شوخ و چنچل اداکارہ راحت غنی نے اپنی نئی تصاویر شیر کی ہیں جس پر مداح انھیں سراہتے نظر آرہے ہیں۔
سوشل میدیا پلیٹ فارم انسٹاگرام پر ماڈل و اداکارہ راحت غنی نے تصاویر شیئر کیں جس میں وہ سفید شرٹ کے اوپر سیاہ اپر پہنے کافی خوبصورت اور پرکشش نظر آرہی ہیں۔
راحت غنی نے تصاویر شیئر کرتے ہوئے کیپشن میں لکھا کہ ’جب آپ کشکمکش کا شکار ہوں تو سیاہ لباس زیب تن کریں۔‘
View this post on Instagram
اداکارہ نے گزشتہ دنوں ڈرامہ سیریل ’عداوت‘ کے سیٹ سے اداکار سید جبران کے ساتھ مایوں کی ویڈیو شیئر کی تھی جو وائرل ہوگئی تھی۔
راحت غنی سوشل میڈیا پر کافی متحرک رہتی ہیں اور گاہے بگاہے اپنی تصاویر شیئر کرتی رہتی ہیں جسے ان کے مداح بھی پسند کرتے ہیں۔
واضح رہے کہ راحت غنی نے اے آر وائی ڈیجیٹل کے ڈرامہ سیریل ’احسان فراموش‘ میں بھی اداکاری کے جوہر دکھائے تھے جسے مداحوں کی جانب سے سراہا گیا تھا۔
راحت غنی ڈرامہ سیریل ’عداوت‘ میں ’عنبر‘ کا کردار نبھا رہی ہیں جن کی سید جبران (اسجد) کے ساتھ منگنی ٹوٹ گئی تھی اور اسجد کی شادی ماریہ (شازیل شوکت) سے ہوگئی۔
